သျှမ်းပြည်မြောက်ပိုင်း သီပေါမြို့နယ်တွင် သီတဂူ စက္ခုဒါန ဆေးရုံတော်မှ ဒေသခံများအား အခမဲ့ မျက်စိစမ်းသပ်ကုသပေးမည်ဖြစ်ကြောင်းသိရသည်။
သီတဂူ စက္ခုဒါနဆေးရုံကြီးမှ စက်တင်ဘာလ ၁၁ မှ ၁၅ ရက်နေ့အထိ ၅ ရက်ကြာ သီပေါဒေသခံများအား သီပေါမြို့နယ် မဟာမြတ်မုနိ ဝိဟာရကျောင်း၌ အခမဲ့ မျက်လုံးစမ်းသပ်စစ်ဆေး ကုသပေးမည်ဖြစ်ကြောင်း သီပေါမြို့နယ် SNLD ပါတီအတွင်းရေးမှူးက သျှမ်းသံတော်ဆင့်အားပြောသည်။
သီပေါမြိုခံတွေအတွက်ဘဲမကဘူး။ တခြား လားရှိုး ကျောက်မဲ နမ့်လန်ဘက်ကလည်းလာမယ်။ မျက်စိအထူးကု ဆရာဝန် ၆ ဦးကနေလာပြီး စမ်းသပ်ကုသပေးမှာပါ။ အဖွဲ့အစည်းဘက်ကတော့ ပိုက်ဆံမယူဘူး။ ကိုယ့်ဘက်ကတော့ စေတနာရှိရင် ပေးနိုင်ပါတယ်။ ကျနော်တို့ သျှမ်းပြည်သားတွေက မျက်လုံးပြသနာ အရမ်းဖြစ်ပွါးနေကြပါတယ်။ ဒီသတင်းကြားသိရတဲ့သူတွေကတော့ အလုအယက်စာရင်းလာပေးကြပါတယ်။- ဟု သျှမ်းသံတော်ဆင့်အားပြောသည်။
သီတဂူစက္ခုဒါန ဆေးရုံကြီးကို ၂၀၀၈ ခုနှစ်မတ်လက စတင်ဖွင့်လှစ်လိုက်သည်။ လက်ရှိအချိန်အထိ အခမဲ့ကုသပေးသောမျက်စိလူနာ ၄၉၀၀ ဦးခန့်ရှိပြီး ဆေးရုံသို့လာရောက်ကုသသည့်လူနာမှာမူ ၂၃၀၀ ကျော်ရှိကြောင်း သိရသည်။
သီတဂူမျက်စိဒါန အဖွဲ့သည် နယ်ဒေသများသို့ကွင်းဆင်းကာ မျက်စိခွဲစိပ်ကုသပေးလျှက်ရှိရာ ယခု ၂၀၁၈ အတွင်းပင် နယ်ဒေသများသို့ကွင်းဆင်းကုသပေးမှု ၄၂ ကြိမ်ရှိပြီဖြစ်ကြောင်းသိရပါသည်။
Leave a Comments