သျှမ်းပြည် မိုးဗြဲ-ဖယ်ခုံ လမ်းပိုင်းတကြောကို စစ်ကော်မရှင်တပ် ပြန်လည်ထိန်းချုပ်နိုင်ရန် အတွက် မြေပြင်ထိုးစစ်ဆင်မှု ပြင်းထန်နေကြောင်း သတင်းရရှိသည်။
လက်ရှိ မိုးဗြဲမြို့ နှင့် ဖယ်ခုံမြို့ကို စစ်ကော်မရှင်တပ်တို့က ပြန်လည်ထိန်းချုပ်ထားသော်လည်း အုပ်ချုပ်ရေး ယန္တရား လည်ပတ်နိုင်ခြင်း မရှိသည့်အပြင် မြို့အပြင်ရှိ ကျေးရွာအချို့နှင့် စစ်ရေးအရအရေးပါသည့် လမ်းပိုင်းကို ကရင်နီတော်လှန်ရေးတပ်ဖွဲ့တို့က ထိန်းချုပ်ထားသည်။
ထို့ကြောင့် စစ်ကောင်စီအတွက် အရေးပါသည့် မိုးဗြဲ-ဖယ်ခုံ လမ်းပိုင်းကို အပြည့်အဝ ပြန်လည် ထိန်းချုပ်နိုင်ရန် စစ်အင်အားအလုံးရင်းဖြင့် ဆက်လက်ထိုးစစ်ဆင် တိုက်ခိုက်နေကြောင်း မိုးဗြဲ မြေပြင် စစ်ရေးသတင်းအရင်းမြစ် တစ်ဦးက သျှမ်းသံတော်ဆင့်ကို ပြောသည်။
“စစ်ကောင်စီဘက်က ဒီတခါပြန်တိုးနေတာကလည်း နယ်မြေစိုးမိုးဖို့နဲ့ အုပ်ချုပ်ရေး ယန္တယားကို ပြန်လုပ်နိုင်ဖို့ ဖြစ်မယ်။စစ်ရေးအရလည်း ကရင်နီကို ထိန်းချုပ်ဖို့ မိုးဗြဲကလည်း အရေးကြီးတဲ့ နေရာ ဖြစ်နေတာလည်း ပါတယ်။သူတို့က စစ်မှုမထမ်းမနေရ အမိန့်နဲ့ဆိုတော့ လူသစ်ပိုစုပြီး အင်အားလည်း ဖြည့်နိုင်တယ်လေ။”ဟု စစ်ရေးသတင်းအရင်းမြစ်တစ်ဦးက ပြောသည်။
အဆိုပါ စစ်ကောင်စီထိုးစစ်ဆင် တိုက်ခိုက်နေသည့် မိုးဗြဲ-ဖယ်ခုံ လမ်းပိုင်းသည် ကရင်တော်လှန်ရေးတပ်ပေါင်းစုတို့ အတွက်လည်း အရေးပါနေပြီး ကရင်နီပြည်၏ ဝင်ပေါက်လည်း ဖြစ်နေကြောင်း ၎င်းက ပြောသည်။
ပြီးခဲ့သည့် (မေလ ၁၃ ရက်)တွင် မိုးဗြဲမြို့ အနောက်ဘက်ရှိ ကရင်နီတော်လှန်ရေးတပ်ပေါင်းစုတို့၏ အချို့ကို စစ်ကော်မရှင်တပ် နှင့် PNO ပအိုဝ်းပြည်သူ့စစ်တို့ စစ်ကြောင်းထိုးတိုက်ခိုက်ခဲ့ပြီး ကာကင်အချို့ကို သိမ်းပိုက်နိုင်ခဲ့ပြီး နှစ်ဖက်ထိခိုက် သေဆုံးမှုများခဲ့ကြောင့် စစ်ရေးသတင်းအရင်းမြစ်တစ်ဦးက ဆက်ပြောသည်။
“စစ်ကောင်စီဖက်ကနေ စစ်ကြောင်းထိုးလာလို့ ကာကင်းနှစ်ခု နောက်ဆုတ်ပေးလိုက်ရပါတယ်။(မေလ ၁၄ ရက်) ပြန်ထိုးစစ်ဆင်တော့ ကာကင်းတစ်ခုတော့ ပြန်ရပြီ။ကျနော်တို့ဖက်လည်း အကျဆုံးရှိသလို စစ်ကောင်စီဖက်ကလည်း အကျအဆုံးရှိပါတယ်။သူတို့ သုံးနေတဲ့ ဒရုန်းတွေကလည်း အရင်က ထပ်ပိုကောင်းလာသလို ပိုလည်း များလာပါတယ်။”ဟု ၎င်းကပြောသည်။
မိုးဗြဲစက်တော် နှင့် လွယ်ဝိုင်းရွာဖက်ကို စစ်ကောင်စီက စစ်ကြောင်းထိုးလာခဲ့ခြင်းကြောင့် နှစ်ဖက်တိုက်ပွဲ ပြင်ထန်ခဲ့ကြောင်း သိရသည်။
ထို့အပြင် ဖယ်ခုံမြို့ အနောက်ခြမ်းရှိ ကရင်နီတော်လှန်ရေးတပ်ပေါင်းစုရှိ ကာကင်းများကို စစ်ကောင်စီက ကင်းပတ်နေပြီ အင်အားများကိုလည်း ဆက်လက်ဖြည့်ထားကြောင်း စနိုက်ဘာ ရှေ့တန်းရဲဘော်တစ်ဦးကဆက် ပြောသည်။
“မိုးဗြဲ နဲ့ ဖယ်ခုံ ကာကင်းတွေနဲ့ ကျနော်တို့က တကြောထဲပါ။စစ်ကောင်စီတွေနဲ့ကလည်း နီးနေပါပြီ။ မိနစ်ပိုင်းလောက်ပဲ ဝေးတယ်။ သူတို့လည်း ဝင်ဖို့လုပ်ရှားနေတယ်။သူတို့ဘက်မှာ တွေ့ရသလောက်တော့ကား ၉ စီးနဲ့ လူအင်အား (၂၀၀) ထပ်မနည်းဘူး။ ပစ်ခွင့်လည်းမရှိသေးလို့ သူတို့ကို မြင်တာကမြင်နေရတယ်။”ဟု စနိုက်ဘာရှေ့တန်း ရဲဘော်တစ်ဦးက ပြောသည်။
လက်ရှိ မိုးဗြဲမြို့ နှင့် ဖယ်ခုံမြို့ အနီးရှိ ကရင်နီတော်လှန်ရေးတပ်ပေါင်းစုကာကင်းများတွင် အမှတ်( ၁) အယ်လ်ဖာစစ်ဒေသ (မိုးဗြဲနယ်)၊ သျှမ်းပြည်တောင်ပိုင်း အမျိုးသားများ ကာကွယ်ရေးတပ် SSNDF /KNDF၊ ပအိုဝ်းအမျိုးသားကာကွယ်ရေးတပ်ဖွဲ့(ခမ်းကောင်) PNDF-KK၊ မိုးဗြဲပြည်သူ့ကာကွယ်ရေးတပ် (MBPDF) စသည့် တပ်ဖွဲ့များက ပူးပေါင်း ကာကွယ်ထားကြကြောင်း တော်လှန်ရေး ရှေ့တန်းရဲဘော်များက ပြောသည်။
မိုးဗြဲမြို့ကို စစ်ကော်မရှင်တပ်က ပြီးခဲ့သည့် ၂၀၂၅ ခုနှစ် ဇူလိုင်လအတွင်း ပြန်လည် ထိန်းချုပ်နိုင်ခဲ့ပြီးနောက် အနီးအနားရှိ ကရင်နီတော်လှန်ရေးတပ်ပေါင်းစုတို့၏ ကာကင်းများကို မကြာခဏဆိုသလို စစ်ကြောင်းထိုးတိုက်ခိုက်နေသည်။
မိုးဗြဲ-ဖယ်ခုံ လမ်းပိုင်း စစ်ကော်မရှင် ပြန်ထိန်းချုပ်နိုင်ရန် စစ်ရေးပြင်းထန်နေ
စိုင်းဆိုင်အိုက်၊၂၀၂၆ မေလ ၁၅ ရက်
သျှမ်းပြည် မိုးဗြဲ-ဖယ်ခုံ လမ်းပိုင်းတကြောကို စစ်ကော်မရှင်တပ် ပြန်လည်ထိန်းချုပ်နိုင်ရန် အတွက် မြေပြင်ထိုးစစ်ဆင်မှု ပြင်းထန်နေကြောင်း သတင်းရရှိသည်။
လက်ရှိ မိုးဗြဲမြို့ နှင့် ဖယ်ခုံမြို့ကို စစ်ကော်မရှင်တပ်တို့က ပြန်လည်ထိန်းချုပ်ထားသော်လည်း အုပ်ချုပ်ရေး ယန္တရား လည်ပတ်နိုင်ခြင်း မရှိသည့်အပြင် မြို့အပြင်ရှိ ကျေးရွာအချို့နှင့် စစ်ရေးအရအရေးပါသည့် လမ်းပိုင်းကို ကရင်နီတော်လှန်ရေးတပ်ဖွဲ့တို့က ထိန်းချုပ်ထားသည်။
ထို့ကြောင့် စစ်ကောင်စီအတွက် အရေးပါသည့် မိုးဗြဲ-ဖယ်ခုံ လမ်းပိုင်းကို အပြည့်အဝ ပြန်လည် ထိန်းချုပ်နိုင်ရန် စစ်အင်အားအလုံးရင်းဖြင့် ဆက်လက်ထိုးစစ်ဆင် တိုက်ခိုက်နေကြောင်း မိုးဗြဲ မြေပြင် စစ်ရေးသတင်းအရင်းမြစ် တစ်ဦးက သျှမ်းသံတော်ဆင့်ကို ပြောသည်။
“စစ်ကောင်စီဘက်က ဒီတခါပြန်တိုးနေတာကလည်း နယ်မြေစိုးမိုးဖို့နဲ့ အုပ်ချုပ်ရေး ယန္တယားကို ပြန်လုပ်နိုင်ဖို့ ဖြစ်မယ်။စစ်ရေးအရလည်း ကရင်နီကို ထိန်းချုပ်ဖို့ မိုးဗြဲကလည်း အရေးကြီးတဲ့ နေရာ ဖြစ်နေတာလည်း ပါတယ်။သူတို့က စစ်မှုမထမ်းမနေရ အမိန့်နဲ့ဆိုတော့ လူသစ်ပိုစုပြီး အင်အားလည်း ဖြည့်နိုင်တယ်လေ။”ဟု စစ်ရေးသတင်းအရင်းမြစ်တစ်ဦးက ပြောသည်။
အဆိုပါ စစ်ကောင်စီထိုးစစ်ဆင် တိုက်ခိုက်နေသည့် မိုးဗြဲ-ဖယ်ခုံ လမ်းပိုင်းသည် ကရင်တော်လှန်ရေးတပ်ပေါင်းစုတို့ အတွက်လည်း အရေးပါနေပြီး ကရင်နီပြည်၏ ဝင်ပေါက်လည်း ဖြစ်နေကြောင်း ၎င်းက ပြောသည်။
ပြီးခဲ့သည့် (မေလ ၁၃ ရက်)တွင် မိုးဗြဲမြို့ အနောက်ဘက်ရှိ ကရင်နီတော်လှန်ရေးတပ်ပေါင်းစုတို့၏ အချို့ကို စစ်ကော်မရှင်တပ် နှင့် PNO ပအိုဝ်းပြည်သူ့စစ်တို့ စစ်ကြောင်းထိုးတိုက်ခိုက်ခဲ့ပြီး ကာကင်အချို့ကို သိမ်းပိုက်နိုင်ခဲ့ပြီး နှစ်ဖက်ထိခိုက် သေဆုံးမှုများခဲ့ကြောင့် စစ်ရေးသတင်းအရင်းမြစ်တစ်ဦးက ဆက်ပြောသည်။
“စစ်ကောင်စီဖက်ကနေ စစ်ကြောင်းထိုးလာလို့ ကာကင်းနှစ်ခု နောက်ဆုတ်ပေးလိုက်ရပါတယ်။(မေလ ၁၄ ရက်) ပြန်ထိုးစစ်ဆင်တော့ ကာကင်းတစ်ခုတော့ ပြန်ရပြီ။ကျနော်တို့ဖက်လည်း အကျဆုံးရှိသလို စစ်ကောင်စီဖက်ကလည်း အကျအဆုံးရှိပါတယ်။သူတို့ သုံးနေတဲ့ ဒရုန်းတွေကလည်း အရင်က ထပ်ပိုကောင်းလာသလို ပိုလည်း များလာပါတယ်။”ဟု ၎င်းကပြောသည်။
မိုးဗြဲစက်တော် နှင့် လွယ်ဝိုင်းရွာဖက်ကို စစ်ကောင်စီက စစ်ကြောင်းထိုးလာခဲ့ခြင်းကြောင့် နှစ်ဖက်တိုက်ပွဲ ပြင်ထန်ခဲ့ကြောင်း သိရသည်။
ထို့အပြင် ဖယ်ခုံမြို့ အနောက်ခြမ်းရှိ ကရင်နီတော်လှန်ရေးတပ်ပေါင်းစုရှိ ကာကင်းများကို စစ်ကောင်စီက ကင်းပတ်နေပြီ အင်အားများကိုလည်း ဆက်လက်ဖြည့်ထားကြောင်း စနိုက်ဘာ ရှေ့တန်းရဲဘော်တစ်ဦးကဆက် ပြောသည်။
“မိုးဗြဲ နဲ့ ဖယ်ခုံ ကာကင်းတွေနဲ့ ကျနော်တို့က တကြောထဲပါ။စစ်ကောင်စီတွေနဲ့ကလည်း နီးနေပါပြီ။ မိနစ်ပိုင်းလောက်ပဲ ဝေးတယ်။ သူတို့လည်း ဝင်ဖို့လုပ်ရှားနေတယ်။သူတို့ဘက်မှာ တွေ့ရသလောက်တော့ကား ၉ စီးနဲ့ လူအင်အား (၂၀၀) ထပ်မနည်းဘူး။ ပစ်ခွင့်လည်းမရှိသေးလို့ သူတို့ကို မြင်တာကမြင်နေရတယ်။”ဟု စနိုက်ဘာရှေ့တန်း ရဲဘော်တစ်ဦးက ပြောသည်။
လက်ရှိ မိုးဗြဲမြို့ နှင့် ဖယ်ခုံမြို့ အနီးရှိ ကရင်နီတော်လှန်ရေးတပ်ပေါင်းစုကာကင်းများတွင် အမှတ်( ၁) အယ်လ်ဖာစစ်ဒေသ (မိုးဗြဲနယ်)၊ သျှမ်းပြည်တောင်ပိုင်း အမျိုးသားများ ကာကွယ်ရေးတပ် SSNDF /KNDF၊ ပအိုဝ်းအမျိုးသားကာကွယ်ရေးတပ်ဖွဲ့(ခမ်းကောင်) PNDF-KK၊ မိုးဗြဲပြည်သူ့ကာကွယ်ရေးတပ် (MBPDF) စသည့် တပ်ဖွဲ့များက ပူးပေါင်း ကာကွယ်ထားကြကြောင်း တော်လှန်ရေး ရှေ့တန်းရဲဘော်များက ပြောသည်။
မိုးဗြဲမြို့ကို စစ်ကော်မရှင်တပ်က ပြီးခဲ့သည့် ၂၀၂၅ ခုနှစ် ဇူလိုင်လအတွင်း ပြန်လည် ထိန်းချုပ်နိုင်ခဲ့ပြီးနောက် အနီးအနားရှိ ကရင်နီတော်လှန်ရေးတပ်ပေါင်းစုတို့၏ ကာကင်းများကို မကြာခဏဆိုသလို စစ်ကြောင်းထိုးတိုက်ခိုက်နေသည်။
Leave a Comments