သျှမ်းပြည်တောင်ပိုင်း မိုင်းပန်မြို့နယ်အတွင်း တရားမဝင်အွန်လိုင်းလိမ်လည်သူ (ကျားဖြန့်) တရုတ်နိုင်ငံသား သုံးဉီး ထပ်မံဖမ်းဆီးရမိကြောင်း သတင်းရရှိသည်။
မိုင်းပန်မြို့နယ်အတွင်း မေ ၆ရက်နှင့် ၇ရက်အတွင်း အွန်လိုင်းလိမ်လည်မှု(ကျားဖြန့်)လုပ်ကိုင်သူ တရုတ်နိုင်ငံသား (၃)ဉီးကို စစ်ကော်မရှင် လက်အောက်ခံ ရဲတပ်ဖွဲ့များက ဖမ်းဆီးရမိကြောင်း ယနေ့ (မေ ၈)ရက် တွင် ထုတ်ပြန်လာသည်။
ပြီးခဲ့သည့် မေ (၄)ရက်တွင်လည်း မိုင်းပန်မြို့၏ မြောက်ဘက် မိုင် ၂၀ အကွာ ကျိုင်းတောင်းမြို့ သွားရာလမ်းဘက် တောထဲတွင်လည်း အဆောက်အဉီး အခိုင်အမာဆောက်လုပ်ပြီး အွန်လိုင်းလိမ်လည်မှု ကို ပြုလုပ်နေသည့် တရုတ်နိုင်ငံသား (၅၂)ဉီးနှင့် မြန်မာနိုင်ငံသား ၄ဉီးကို လည်း ဖမ်းဆီးမိခဲ့ကြောင်း ထုတ်ပြန်လာသေးသည်။
အွန်လိုင်းလိမလလည်မှုကျူးလွန်ခြင်းများ ပပျောက်စေရန်နှင့် မြန်မာနိုင်ငံအတွင်း အခြေချလုပ်ကိုင်မှု မရှိစေရန်အတွက် အိမ်နီးချင်းနိုင်ငံများ၊ ဒေသတွင်း နိုင်ငံများ ၊နိုင်ငံတကာအဖွဲ့အစည်းများနှင့် ပူးပေါင်းပြီး ကျားဖြန့် လောင်းကစားမှုတိုက်ဖျက်ရေးလုပ်ငန်းစဉ်များကို ဆက်လက်ဆောင်ရွက်သွားမည်ဟုလည်း ယနေ့ ထုတ်ပြန်ချက်တွင်ရေးသားထားသည်။
မြန်မာနိုင်ငံအခြေစိုက် ကျားဖြန့်ဂိုဏ်းများသ်ည အမေရိကန်နိုင်ငံသားများကို ပစ်မှတ်ထားပြီး လိမ်လည်နေသဖြင့် အမေရိကန်က ကျားဖြန့်နှိမ်နင်းရေးအထူးအဖွဲ့ (SCSF) ကို ၂၀၂၅ခုနစ် နိုဝင်ဘာလတွင် စတင်ကာ ဖွဲ့စည်းပြီး နှိမ့်နင်းလျက်ရှိကြောင်းသိရသည်။
စစ်ကော်မရှင်သည် တရုတ်နိုင်ငံသားကျားဖြန့်သမားများကို နှိမ့်နင်းမှု ပြုလုပ်နေသော်လည်း ကျားဖြန့်သမားများသည် ယနေ့ချိန်ထိ ပပျောက်သွားခြင်းမရှိဘဲ သျှမ်းပြည်အတွင်း ဆက်လက်ပျံ့နှံ့နေသည်။
သို့သော် လက်ရှိ စစ်ကော်မရှင်၏ ကျားဖြန့် နှိမ့်နင်းရေးသည် ဟန်ပြတခုသာဖြစ်ကြောင်းလည်း သျှမ်းပြည် လူထုများက ထောက်ပြပြောဆိုသည်။
Leave a Comments