ထိုင်းအစိုးရမှ စက်သုံးဆီ ဈေးနှုန်းကန့်သတ်ထားမှုကို ရုတ်သိမ်းပြီး ဈေးကွက်ပေါက်ဈေးအတိုင်း ပြောင်းလဲခွင့်ပြုလိုက်သည့်အတွက် ထိုင်းတနိုင်ငံလုံးအတိုင်းအတာဖြင့် စက်သုံးဆီဈေးနှုန်း တစ်လီတာလျှင် ၆ ဘတ်ခန့် မြင့်တက်သွားကြောင်း ထိုင်းသတင်းဌာနများတွင် ဖော်ပြသည်။

ယနေ့ (မတ်လ ၂၆) ရက်တွင် ထိုင်းအစိုးရမှ စက်သုံးဆီဈေးနှုန်း ကန့်သတ်ထားချက်ကို ရုတ်သိမ်းလိုက်ပြီး ဈေးကွက်ပေါက်ဈေးအတိုင်း ရောင်းချခွင့်ပြုလိုက်သည့်အတွက် ဆီတစ်လီတာလျှင် ၆ ဘတ်အထိမြှင့်တက်သွားခဲ့သည်။

“ဈေးတက်ရင်လည်း တက်ပါစေ၊ ဆီလုံးဝမရှိတာထက်စာရင် တက်တဲ့ဈေးနဲ့ဝယ်ရတာက တော်ပါသေးတယ်” ဟု ဆီတန်းစီနေသူတစ်ဦးက ပြောထားသည်။

PTT ဓာတ်ဆီဆိုင်တစ်ခု၏ ရည်ညွှန်းဈေးနှုန်းများမှာ အောက်ပါအတိုင်းဖြစ်သည်။

Gasohol 95: ၄၁.၁၀ ဘတ်/လီတာ

Gasohol E20: ၃၆.၁၀ ဘတ်/လီတာ

Gasohol E85: ၃၂.၇၉ ဘတ်/လီတာ

Gasohol 91: ၄၀.၇၃ ဘတ်/လီတာ

Gasohol 95 Premium: ၅၂.၀၉ ဘတ်/လီတာ

Benzine 95: ၄၉.၆၄ ဘတ်/လီတာ

Diesel (ဒီဇယ်): ၃၈.၉၉ ဘတ်/လီတာ

Premium Diesel: ၅၄.၆၉ ဘတ်/လီတာ

ကိုးကား : The Nation Thailand