သျှမ်းပြည် အရှေ့ပိုင်း ကျိုင်းတုံမြို့တွင် ဆိုင်ကယ်များ ခိုးယူခံရခြင်း၊ လုယက်ခြင်းများ မကြာခဏ ဖြစ်ပွားနေကြောင်း စုံစမ်းသိရသည်။

ပြီးခဲ့သည့် ၂၀၂၄ ခုနှစ်မှစပြီး ကျိုင်းတုံမြို့သည် ပြည်သူများ အတွက် လုံခြုံမှုကင်းမဲ့နေသည့်အပြင် စစ်ကော်မရှင် လက်အောက်ခံတာဝန်ရှိသူများမှ ဆိုင်ကယ်သူခိုးများ၊ လုယက်သူများကို ဖမ်းဆီး အ‌ရေးယူးဆောက်ရွက်မှုကြောင်း လည်း ကျိုင်းတုံမြို့ ဒေသခံ အမျိုးသားတစ်ဉီးက သျှမ်းသံတော်ဆင့်ကိုပြောသည်။

“နေ့လည်ကြီး လမ်းသွားနေတဲ့ ဆိုင်ကယ်ကိုတောင် တိုက်ပြီးလုကြတယ်။သူခိုးတွေကလည်း ထောင်ကျမှာ မကြောက်ဘူး ပြန်ထွက်လာလည်း ထပ်လုပ်တာပဲ။ တာဝန်ရှိတဲ့ရဲတွေကလည်း သေချာ အရေးယူဆောက်ရွက်တာမရှိဘူး။ပြည်သူတွေက ဖမ်းပြီး ရဲလက်ထဲအပ်လည်း သူတို့ ပိုက်ဆံမရရင် အဲ့သူခိုးတွေကို ပြန်လွှတ်ပေးတာပဲ။”ဟု ကျိုင်းတုံမြို့ဒေသခံ အမျိုးသားတစ်ဦးက ပြောသည်။

ပြီးခဲ့သည့် မတ်လ ပထမပတ်အတွင်းတွင် ကျိုင်းတုံမြို့အတွင် ဆိုင်ကယ် နှစ်စီးထက်မနည်း ခိုးယူခံခဲ့ရကြောင်း ကျိုင်းတုံမြို့ ဒေသခံ အမျိုးသားတစ်ဦးက ပြောသည်။

အလားတူ တာချီလိတ်မြို့တွင်လည်း ဆိုင်ကယ် ခိုးဆိုးလုယက်မှုများ မကြာခဏ ဖြစ်ပွားနေပြီး သက်ဆိုင်ရာ တာဝန်ရှိသူများလည်း ဖမ်းဆီး အရေယူဆောင်ရွက်ခြင်းမရှိကြောင်း တာချီလိတ်မြို့ ဒေသခံ အမျိုးသမီးတစ်ဦးက ထပ်မံလောင်းပြောသည်။

“တာချီလတ်မှာလည်း ဆိုင်ကယ်ခိုးခံရတာတွေ မကြာခဏရှိတယ်။ဒီမှာကြတော့ အိမ်ခြံဝင်းထဲမှာ ရပ်ထားတဲ့ ဆိုင်ကယ်ကို သော့ဖြတ်ဝင်ပြီး ခိုးတာ။အခန်းငှားနေသည့် ဆိုင်ကယ်တွေကိုလည်း ဝင်ခိုးတာမျိုးများတယ်။”ဟု တာချီလိတ်မြို့ဒေသခံ အမျိုးသမီးတစ်ဦးက ပြောသည်။

စစ်ကော်မရှင်တပ်မှ နိုင်ငံတော် အာဏာသိမ်းယူပြီးနောက်ပိုင်း မြန်မာတဝှမ်းတွင် စီးပွားရေးကျဆင်းလာပြီး စားဝတ်နေရေး ခက်ခဲလာပြီး ခိုးဆိုးလုယက်မှုများလည်း နေ့စဉ်နီးပါး ရှိလာသည်။။