သျှမ်းပြည် တောင်ပိုင်း ကွန်းဟိန်းမြို့နယ်တွင် သက်ကြီးပိုင်းပုဂ္ဂိုလ်များ အီလက်ထရောနစ် မဲပေးစက်ဖြင့် မဲပေးချိန်တွင်အခက်အခဲများ ကြုံတွေ့ခဲ့ကြောင်း စုံစမ်းသိရသည်။
ယနေ့ (ဇန်နဝါရီလ ၁၁ ရက်) မနက် ၆ နာရီမှစပြီး တွင် ကွန်းဟိန်းမြို့နယ် အပါအဝင် ရွာငံ၊ ဆီဆိုင်၊ ကလော၊ ရပ်စောက်၊မိုင်းပန်း၊ မောက်မယ်၊ မိုင်းကိုင်၊ လဲချား၊ မိုင်းခတ်၊ မိုင်းတုံ၊ မိုင်းဖြတ်၊ မိုင်းပျဉ်း၊ မိုင်းယောင်း၊ မိုင်းယန်း၊ မိုင်းရယ် နှင့် တန့်ယန်းမြို့နယ်တို့တွင် ရွေးကောက်ပွဲ အပိုင်း (၂) ကို ကျင်းပခဲ့သည်။
ကွန်ဟိန်းမြို့နယ်ရှိ သက်ကြီးပိုင်းပုဂ္ဂိုလ်များ စစ်ကော်မရှင်ကျင်းပသည့် အတုယောင် ရွေးကောက်ပွဲ တွင် အသုံးပြုသည့်အီလက်ထရောနစ် မဲပေးစက်ဖြင့် မဲပေးချိန်တွင် အခက်အခဲများကြုံတွေ့ ခဲ့ရကြောင်း ကွန်းဟိန်းမြို့ အမျိုးသမီးတစ်ဦးက သျှမ်းသံတော်ဆင့်ကို ပြောသည်။
“လူကြီးတွေ သွားထည့်တော့လည်း နားမလည်ဘူး။လက်မှတ်ထိုးခိုင်းတယ် ပြီးရင် မဲပေးစက်မှာရှိတဲ့ ခလုပ်တစ်ခုကို နိပ်ခိုင်းပြီး ထွက်လာခိုင်းတယ်။အသက်ကြီးတဲ့လူတွေက ဘာမှ ကို နားမလည်ကြဘူး။”ဟု ကွန်းဟိန်းမြို့ အမျိုးသမီးတစ်ဦးကပြောသည်။
အဆိုပါ ကွန်ဟိန်းမြို့နယ်ရှိ မဲရုံများတွင် ယနေ့ (ဇန်နဝါရီလ ၁၁ ရက်) မနက် ၁၁ နာရီဝန်းကျင်မှစပြီး မဲသွားပေးသည့် ပြည်သူမရှိကာ ပြည်သူစိတ်ဝင်စားမှုမရှိကြောင်း ကွန်းဟိန်းမြို့ အမျိုးသမီးတစ်ဦးက ပြောသည်။
“လူစိတ်ဝင်စားမှုလည်း မရှိဘူး။နာမည် မပါရင်လည်း လူတွေက မသိသလိုနေလိုက်ကြတာ။ အရင်နှစ်တွေက ရွေးကောက်ပွဲတွေလောက်တော့ ဘယ်သူမှ စိတ်မဝင်စားကြဘူး။ ထည့်လည်းဘာမှ မထူးဘူးလို့ပဲ ပြောကြတယ်လေ။ မဲရုံမှာလည်း မနက်ကတည်းက လူကိုမရှိတော့တာ။”ဟု ၎င်းက ပြေသည်။
ထို့အပြင် ကွန်ဟိန်းမြို့နယ် မဲရုံများတွင် စစ်ကော်မရှင်လက်အောက်ခံ ရဲတပ်ဖွဲ့များက လုံခြုံရေး တာဝန်ယူထားပြီး ဖုန်းနှင့် မည့်သည့်အသုံးအဆောင်မျှ မဲရုံအတွင်း ယူဝင်ခွင့် မပြုကြောင်း သိရသည်။
သျှမ်းပြည် မောက်မယ်မြို့နယ် နှင့် မိုင်းဖြတ်မြို့နယ်တို့တွင် စစ်ကော်မရှင်ကျင်းပနေသည့် အတုအယောင် ရွေးကောက်ပွဲတွင် အသုံးပြုသည့် မြန်မာအီလက်ထရောနစ် မဲပေးစက် (MEVM)သည် စက်ချို့ယွင်းမှုများ ဆက်တိုက်ဖြစ်ပွားနေကြောင်း သိရသည်။
ကွန်ဟိန်းမြို့နယ် မဲဆန္ဒနယ်တွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP) နှင့် ရှမ်းနှင့်တိုင်းရင်းသားများ ဒီမိုကရက်တစ်ပါတီ (SNDP ကျားဖြူပါတီ) တို့ ဝင်ရောက်ယှဉ်ပြိုင်ပြီး စုစုပေါင်း မဲရုံ(၄၇)ရုံ ရှိကြောင်း သိရသည်။
Leave a Comments