ထိုင်းနိုင်ငံတွင် တရားမဝင်သော ရွေ့ပြောင်းအလုပ်သမားများကို ဘတ်အသစ်ရိုက်ပေးမည့် လုပ်ငန်းစဉ်အား ခေတ္တရွှေ့ဆိုင်းလိုက်ပြီ ဖြစ်ကြောင်း ထိုင်းအလုပ်သမားဝန်ကြီးဌာက ယနေ့ အောက်တိုဘာလ ၁၆ ရက်နေ့တွင် ထုတ်ပြန်ကြေညာလိုက်သည်။
ထိုင်းနယ်စပ်အခြေအနေ မတည်ငြိမ်မှုနှင့် ထိလွယ်ခိုက်လွယ်သော နယ်စပ်ပြဿနာများကြောင့် ဘတ်အသစ် လုပ်ငန်းစဉ်ကို ရွှေ့ဆိုင်းလိုက်ခြင်း ဖြစ်ကြောင်း ထုတ်ပြန်ချက်တွင် ရေးသားဖော်ပြထားသည်။
အဆိုပါဘစ်အသစ်ရိုက်ပေးမည့် လုပ်ငန်းစဉ်ကို မည်သည့်ရက်တွင် ပြန်လည်ပြုလုပ်ပေးမည်ဟု ဖော်ပြထားခြင်း မရှိပေ။
“တကယ်တော့ မနေ့က လုပ်ပေးဖို့ ပြန်ဖွင့်ပါတယ်။ သူတို့ရဲ့ (program System) တွေက အလုပ်မဖြစ်သေးလို့ပါ။ အဲ့ကြောင့် ရက်ကို ရွှေ့ထားပါတယ်။ ဘယ်နေ့ ပြန်ဖွင့်မလဲဆိုတာမျိုးတော့ သေချာမိသိရသေးဘူး။ ဘာမှတော့ အရမ်းကြီး စိုးရိမ်စရာမလိုပါဘူး။ အရမ်းလည်း စိတ်မပူကြပါနဲ့၊ မကြာခင် သူတို့ပြန်ဖွင့် ပေးမှာပါ”ဟု ထိုင်းရောက်ရွှေ့ပြောင်းအလုပ်သမားအရေး ကူညီဆောင်ရွက်ပေးနေသူတစ်ဦးက သျှမ်းသံတော်ဆင့်ကို ပြောသည်။
ပြီးခဲ့သည့် ၂၀၂၅ သြဂုတ် ၁၉ ရက်နေ့၏ ဆုံးဖြတ်ချက်အရ ထိုင်းနိုင်ငံတွင် တရားမဝင်သော ရွေ့ပြောင်းအလုပ်သမားများကို အောက်တိုဘာလ ၁၅ ရက်နေ့တွင် ဘတ်အသစ်ရိုက်ပေးမည်ဟု ကြေညာထားခြင်း ဖြစ်သည်။
Leave a Comments