သျှမ်း-မန္တလေးနယ်စပ်ရှိ တအာင်း(ပလောင်) အမျိုးသားလွတ်မြောက်ရေးတပ်မတော် TNLA ထိန်းချုပ်ထားသည့် မိုးကုတ်မြို့ကို စစ်ကော်မရှင်တပ်မှ လေကြောင်းဗုံးကြဲ တိုက်ခိုက်ခဲ့ကြောင်း သိရသည်။
ယနေ့ ( အောက်တိုဘာလ ၁ ရက်) မနက် ၁၁ နာရီဝန်းကျင်တွင် TNLA ထိန်းချုပ်ထားသည့် မိုးကုတ်မြို့ အနောက်ပိုင်း ရေထွက်ကြီးသို့ သွားသည့် လမ်းဘက်သို့ စစ်ကော်မရှင်တပ်မှ လေကြောင်းဖြင့် ဗုံးကြဲ တိုက်ခိုက်ခဲ့ခြင်းကြောင့် အရပ်သား ထိခိုက်မှုများရှိကြောင်း အသက် ၃၀ ဝန်းကျင် မိုးကုတ်မြို့ ဒေသခံ အမျိုးသားတစ်ဦးက သျှမ်းသံတော်ဆင့်ကို ပြောသည်။
“ဒီမနက် လောက်မှာပဲ ဗုံးလာကြဲသွားတယ်။အနောက်ပိုင်းကို ကြဲသွားတာ။ထိခိုက်တဲ့လူ ၂ ယောက်လောက်ရှိတယ်။အသေစိတ်တော့ သေချာမသိရသေးဘူး။”ဟု အသက် ၃၀ ဝန်းကျင် မိုးကုတ်မြို့ ဒေသခံ အမျိုးသာတစ်ဦးက ပြောသည်။
မိုးကုတ်မြို့ကို စစ်ကော်မရှင်တပ်မှ လေးကြောင်းတိုက်ခိုက်မှုတွင် လူထိခိုက်ဒဏ်ရာရရှိမှုကို သျှမ်းသံတော်ဆင့်မှ ဆက်လက်စုံစမ်းနေသည်။
ပြီးခဲ့သည့် စက်တက်ဘာလ ၁၆ ရက်တွင်လည်း မိုးကုတ်မြို့ အရှေ့ပိုင်းကို စစ်ကော်မရှင်တပ်မှ လေကြောင်းဗုံးကြဲတိုက်ခိုက်မှုများ ပြုလုပ်ခဲ့ကြောင်းသိရသည်။
Leave a Comments