ထိုင်း-မြန်မာနယ်စပ်ဒေသ မယ်ဆိုင်ချောင်းရေသည် ယနေ့ သြဂုတ် ၂၈ ရက်နေ့တွင် စိုးရိမ်ရေမှတ်အထက် ၂ လက်မခန့် ကျော်လွန်နေပြီး နောက် ၁ ရက်အတွင်း ပေဝက်ခန့် မြင်တက်လာနိုင်ကြောင်း မိုးလေဝသနှင့် ဇလဗေဒ ညွှန်ကြားမှုဦးစီးဌာနက အသိပေးထုတ်ပြန်ထားသည်။

ထိုကြောင့် တာချီလိတ်မြို့နယ်အတွင်းရှိ ချောင်းကမ်းအနီးနှင့် မြေနိမ့်ပိုင်း နေထိုင်သူများအနေဖြင့် ရေဘေးလွတ်ရာ နေရာများသို့ ရှောင်ရှားရန် အသိပေးထားခြင်း ဖြစ်သည်။

ဗီယက်နမ်နိုင်ငံ ကုန်းတွင်းပိုင်းကို ဝင်ရောက်ခဲ့သည့် တိုင်ဖွန်းမုန်တိုင်း ကာဂျီကီသည် အပူပိုင်းမုန်တိုင်းအဖြစ် အားလျှော့သွားပြီဖြစ်သော်လည်း အဆိုပါမုန်တိုင်းအကြွန်းအကျန်များကြောင့် သျှမ်းပြည် အရှေ့ပိုင်းနှင့် တောင်ပိုင်းတွင် မိုးဆက်လက်ရွာဦးမည်ဖြစ်ကြောင်း မိုးလေဝသနှင့် ဇလဗေဒက အသိပေးထားသည်။

အဆိုပါ ကာဂျီကီမုန်တိုင်းအရှိန်ကြောင့် ယမန်နေ့ (သြဂုတ် ၂၇ ရက်) ညပိုင်းက တာချီလိတ်မြို့ပေါ် ရပ်ကွက်နှင့် လမ်းမပေါ်တွင် ရေကြီးရေလျှံဖြစ်ပွားခဲ့ကြောင်း ဒေသခံများက ပြောသည်။