သျှမ်းပြည်တောင်ပိုင်း၊ ညောင်ရွှေမြို့နယ် အင်းလေးဒေသတွင် လေပြင်းတိုက်ခတ်သဖြင့် နေအိမ် ခေါင်မိုးများလန်ပြီး ပျက်စီးသွားကြောင်း သတင်းရရှိသည်။
ယနေ့ (သြဂုတ် ၂၆)ရက် မွန်းလွဲပိုင်းတွင် အင်းလေးဒေသ ကန်ခေါင်းကျေးရွာနှင့် စန်ခမ့်ကျေးရွာတွင် လေပြင်းတိုက်ခတ်မှုကြောင့် နေအိမ်များ ခေါင်မိုးလန်ကာ ပျက်စီးမှုရှိကြောင်း ဒေသခံများထံသိရသည်။
“ဒီညနေကမှ ဖြစ်တာ အိမ်တွေက ဘယ်နလုံးလဲ သေချာမသိရသေးဘူး၊ ၂၀ လုံးကျော်မလား မသိဘူး။ ရေတွေလည်း တစ်လက်မလောက် ပြန်တက်လာတယ်။ ဒီညနေ လေအရမ်းပြင်းတာ။ မုန်တိုင်းအဖြားခတ်တာထင်တယ်။”ဟု ဒေသခံ အသက် ၃၀ ဝန်းကျင်အမျိုးသားတစ်ဦးက ဆိုသည်။
ယခုလက်ရှိအင်းလေးတွင် နေအိမ် ခေါင်မိုးလန်သွားသည့်အိမ်များကို အိမ်နီးနားချင်းများက ကူညီနေကြပြီး နောက်ထပ် အကူညီတွေ လိုအပ်နေသေးကြောင်း သိရသည်။
အင်းလေးတွင် ရေဘေး ၊ငလျင်ဘေးသင့်နေချိန် ဖောင်တော်ဦးဘုရားပွဲကို လာမည့် စက်တင်ဘာလ ၂၂ ရက်နေ့မှ အောက်တိုဘာလ ၉ ရက်နေ့အထိ စစ်ကော်မရှင်နှင့် PNO ပြည်သူ့ စစ်ဦးဆောင်ပြီး မဖြစ်ဖြစ်အောင် ကျင်းပ ပြုလုပ်သွားမည်ဖြစ်ကြောင်း သိရသည်။
Leave a Comments