ယနေ့ ( ဇူလိုင်လ ၃ ရက် ) မနက် ၇ နာရီခွဲဝန်းကျင်တွင် မန္တလေးတိုင်း မြင်းခြံမြို့အနီး ဗဟိုပြု၍ အင်အားမဂ္ဂနီကျူ ၄.၉ အဆင့်ရှိ ငလျင်လှုပ်ခတ်ခဲ့ကြောင်း သတင်းရရှိသည်။
အင်အားမဂ္ဂနီကျူ ၄,၉ ငလျင်လှုပ်ခတ်မှုကြောင့် မြင်းခြံမြို့အပြင် မန္တလေး၊ စစ်ကိုင်း၊ ပြင်ဦးလွင်၊ ကျောက်ဆည် စသည့်မြို့များတွင် သိသိသာသာလှုပ်ခတ်ခဲ့ကြောင်း မန္တလေးမြို့ဒေသခံ အမျိုးသမီးတစ်ဦးက သျှမ်းသံတော်ဆင့်ကို ပြောသည်။
“ဒီနေ့ (ဇူလိုင် ၃ ရက်) မနက် စောစောစီးစီး လှုပ်သွားတဲ့ဟာက ခါတိုင်းလှုပ်နေကျထက်ပြင်းတယ်။ ငလျင်လှုပ်တာလည်း အရင်ထပ်အချိန်ကြာတယ်။ မန္တလေးဘက်မှာ လှုပ်သွားတော့ ပြင်ဦးလွင်ဘက်ပါ လှုပ်တယ်။”ဟု မန္တလေးမြို့ ဒေသခံအမျိုးသမီးတစ်ဦးက ပြောသည်။
ပြီးခဲ့သည့် မတ်လတွင် လှုပ်ခတ်ခဲ့သည့် အင်အားပြင်းငလျင်ကြောင့် မန္တလေးမြို့တွင် ထိခိုက်ပျက်စီးမှုများခဲ့ပြီး လက်ရှိ ၃လ ကြာသည်အထိ အပျက်အစီးများကို ရှင်းလင်း၍ မပြီးသေးကြောင်း သိရသည်။
ပြီးခဲ့တဲ့ ၃ လအတွင်း သျှမ်းပြည်အပါအဝင် မြန်မာနိုင်ငံအတွင်းရှိ မြို့တော်တော်များများတွင် နောက်ဆက်တွဲ အင်အားအတော်အသင့်ရှိငလျင်များ မကြာခဏလှုပ်ခတ်လေ့ရှိသည်။
Leave a Comments