လားရှိုးမြို့ကို တိုက်ခိုက်သိမ်းပိုက်စဉ်က ဖမ်းဆီးရမိသည့် စစ်ကောင်စီ အရာရှိကြီးငယ် သုံ့ပန်းများအား ကိုးကန့် MNDAA က ပြန်လည် လွှတ်ပေးနေကြောင်း စုံစမ်းသိရသည်။
တရုတ်ဖိအားကြောင့် လားရှိုးမြို့ပေါ်မှ တပ်ဆုတ်ပြီး တစ်လမပြည့်မီ သုံ့ပန်းအဖြစ် ဖမ်းဆီးခံထားရသည့် စစ်ကောင်စီသုံ့ပန်း များကို အသုတ်လိုက်ခွဲပြီး ပြန်လွှတ်ပေးနေကြောင်း သံချပ်ကာ တပ်ရင်း၊ ခလရ ၆၈ ၊ ၄၁ တို့မှ အရာရှိများလည်း ပါဝင်ကြောင်း ဟု လားရှိုးဒေသခံတစ်ဦးက သျှမ်းသံတော်ဆင့်သို့ပြောသည်။
“တကယ်တော့ ကိုးကန့်က တော်လှန်ရေးကို ကျောခိုင်းသွားပြီလေ၊ အရင်က တပ်မိသားစုတို့ ဘာတို့ လွတ်ပေး တယ်…လွန်ခဲ့တဲ့ရက်ပိုင်းက ထပ်လွှတ်ပေးသေးတယ်၊ ဒီတစ်ခေါက်က အရာရှိတွေပါတယ်လို့ သိရတယ်၊ ဖမ်းခံ ရတဲ့ လားရှိုး သံချပ်ကာ တပ်ရင်းမှူး၊ ခလရ၊ ခမရ နဲ့ စရဖက အရာရှိ တချို့လွှတ်လာတယ်” ဟု အမည်မဖေါ်လို သည့် လားရှိုးဒေသခံက ပြောသည်။
ထို့ပြင် ကိုးကန့်တပ် ပြန်လွတ်ပေးသည့် အရာရှိတစ်ချို့သည် တပ်တွင်းသို့ ပြန်လာရန်ဆန္ဒ မရှိသဖြင့် ရှိရင်းနေရာ တွင်သာ ဆက်ရှိနေကြောင်း ထိုဒေသခံက ဆက်ပြောသည်။
“အဲ့ဒီလွှတ်ပေးတဲ့ စစ်သုံ့ပန်းထဲမှာ ပြန်မလာချင်တဲ့လူတွေလည်းရှိတယ်၊ တချို့ပြန်ချင်တယ်ဟေ့ လို့ပြော တဲ့လူတွေ ကိုလည်း လွှတ်ပေးတယ်…စကစနဲ့ ကိုးကန့်တွေလဲ အတူတူပဲလို့ပြောလို့ရတယ်”- ဟု ဆက်ပြောသည်။
၁၀၂၇ စစ်ဆင်ရေးကြောင့် လာရှိုးမြို့အခြေစိုက် အရှေ့မြောက်ပိုင်းတိုင်း စစ်ဌာနချုပ်အပါအဝင်၊ အမြောက်တပ်၊ သံချပ်ကာတပ်ရင်း၊ ဝန်တင်တပ်ရင်း၊ ထောက်ပို့တပ်၊ ဆက်သွယ်ရေးတပ်၊ စစ်မြေပြင်ဆေးတပ်ရင်း၊ ခြေမြန် တပ်ရင်း၊ ခြေလျင်တပ်ရင်း၊ စစ်ဖက်ဆိုင်ရာလုံခြုံရေးတပ်ဖွဲ့၊ ရဲစခန်း အစသည့် ဌာနများမှ ဖမ်းဆီးခံထားရသည့် စစ်ကောင်စီ စစ်သုံ့ပန်းများအား ကိုးကန့်တပ်တို့ မှ အသုတ်လိုက်ခွဲပြီး ပြန်လည်လွှတ်ပေးနေခြင်းဖြစ်သည်။
အလုပ်သင် သတင်းထောက် စိုင်းဟန်မော(ဝ်) ရေးသားသည်။
Leave a Comments