သျှမ်းပြည် ကျောက်မဲမြို့နယ်တွင် တအာင်း(ပလောင်)အမျိုးသားလွတ်မြောက်ရေးတပ်မတော် (TNLA)သည် ကျွန်းပင်ခုတ်သည်ဟုဆိုကာ ဖမ်းဆီးထားသည့် အရပ်သား ၁၇ ဦးကို ပြန်မလွှတ်သေးကြောင်း သတင်းရရှိသည်။
ပြီးခဲ့သည့် ဇန်နဝါရီ တတိယပတ်တွင် TNLA တပ်သားများသည် ကျောက်မဲမြို့နယ် ပန်ပေါင်း၊ လုံကြိမ်၊ ကျောင်းကုန်၊ မန်ကျောင်း၊ နောင်ပိတ် စသည့် အရပ်သားများကို ကျွန်းပင်ခုတ်သည်ဟု စွပ်စွဲကာ ဒေသခံများကို လိုက်လံဖမ်းဆီးခဲ့သည်။
တအာင်း(ပလောင်)အမျိုးသားလွတ်မြောက်ရေးတပ်မတော် (TNLA)သည် ဖမ်းစီးထားသည့် ကျောက်မဲဒေသခံ ၁၇ ဦးတွင် အမျိုးသမီး ၄ ဦးပါဝင်ဦး ၊ ထိုအမျိုးသမီးများကို ၎င်းတို့၏ အမျိုးသားများဖြင့် ပြန်လည်အစားထိုး ခိုင်းကာ ဆက်လက်ဖမ်းဆီးထားကြောင်း ကျောက်မဲမြို့ ဒေသခံအမျိုးသမီးတစ်ဦးက သျှမ်းသံတော်ဆင့်ကို ပြောသည်။
“သူတို့ ဖမ်းထားတဲ့ အမျိုးသမီးတွေကိုတော့ သူတို့အဖေ မဟုတ်ရင် အမျိုးသားတွေကို အစားပြန်ထိုးပြီး လှဲရတာပေါ့။အခုလက်ရှိ အဲ့ဖမ်းထားတဲ့လူတွေကိုတော့ ကျောက်မဲမှာပဲ ပြန်မလွှတ်သေးဘူး။ပြီးတော့ အဲ့သစ်တွေကို သယ်ပေးတဲ့ ထော်လာဂျီ ၄ စီးကိုလည်း ဖမ်းထားတယ်။”ဟု ကျောက်မဲမြို့ ဒေသခံ အမျိုးသမီးတစ်ဦး က ပြောသည်။
ထိုဖမ်းဆီးမှုများပြုလုပ်ခဲ့သည့်အပြင် ၎င်းတို့ အိမ်တွင် အသုံးပြုထားသည့် သစ်နှင့် ဝယ်ထားသော သစ်များကိုလည်း တအာင်း(ပလောင်)အမျိုးသားလွတ်မြောက်ရေးတပ်မတော် (TNLA)လာရောက်သိမ်းယူ သွားကြောင်း ကျောက်မဲမြို့ ဒေသခံအမျိုးသမီးတစ်ဦးက ကဆက်ပြောသည်။
“အိမ်ဆောက်ဖို့ ဝယ်ထားခဲ့တဲ့သစ်တွေလည်း သိမ်းယူတယ်။အချို့အိမ်ဆို အိမ်တိုင်တောင်ပြတ်ခါနီးပဲ အိမ်ကယိုင် နေပြီ မစားရက်၊ မသောက်ရက်နဲ့ အိမ်ဖြစ်ဖို့ စုဆောင်းကြတာ ခုတ်ယူတာထားတဲ့ဟာလဲ။ မဟုတ်ဘူး ဝယ်ထားတဲ့ဟာပါ အကုန်သိမ်းတယ်။ အချို့ဆို ငိုတောင်ငိုတယ်။ သူတို့က အကုန်ပြန်ယူတယ်။ ခြံစည်းရိုးက အစသိမ်းယူသွားတယ်။”ဟု ကျောက်မဲမြို့ ဒေသခံအမျိုးသမီးတစ်ဦးကပြောသည်။
လက်ရှိ ကျွန်းခုတ်သည့် သူများကို ဖမ်းဆီးမှုများနှင့် ပတ်သက်၍ တအာင်း(ပလောင်) အမျိုးသားလွတ် မြောက်ရေးတပ်မတော် TNLA တို့၏ သက်ဆိုင်ရာ ဝာာဝန်ရှိသူများကို ဆက်သွယ်မေးမြန်း ထားပါသော်လည်း ပြန်လည်းဖြေကြားခြင်းမရှိသေးပေ။
လက်ရှိပြည်သူများ စစ်ရေးအခြေနေကြောင့် စီးပွားရေး နှင့် အလုပ်များလုပ်ရန်ခက်ခဲနေသည့်အချိန်တွင် TNLA မှ ယခုကဲ့သို့ အာဏရှင်ဆန်စွာပြုမှုခြင်းကြောင့် ပြည်သူများဒုက္ခ ပိုရောက်စေကြောင်း ၎င်းကပြောသည်။
“ ၁၀၂၇ စစ်ဆင်ရေး” ဒုတိယလှိုင်းအတွင်း TNLA မှ ကျောက်မဲမြို့ကို ပြီးခဲ့သည့် ၂၀၂၄ ခုနစ် ဩဂုတ်လ (၆) ရက်တွင် သိမ်းပိုက်နိုင်ခဲ့သည်။
Leave a Comments