သျှမ်းပြည် အရှေ့ပိုင်း မိုင်းဆတ်မြို့နယ် အုပ်ချုပ်ရေးမှူး၏ ထွေအုပ်စာရေး ဖြစ်သူ ဦးငွေစိုးသန်း သေဆုံးပြီး တစ်လကျော်အကြား ၎င်း အမျိုးသမီး နှင့် ကလေးနှစ်ဉီးသည် ယနေ့ထိ ပျောက်ဆုံးနေသေးကြောင်း စုံစမ်းသိရသည်။

ပြီးခဲ့သည့် ဒီဇင်ဘာ ၂၈ရက်တွင် မိုင်းဆတ်မြို့နယ် အုပ်ချုပ်ရေးမှူး ၏ ထွေအုပ်စာရေး ဖြစ်သူ ဉီးငွေစိုးသန်းကို အမည်မသိ အဖွဲ့က သတ်ဖြတ်ခဲ့ပြီး ၎င်း အမျိုးသမီး နှင့် ကလေး နှစ်ဉီးကို ဖမ်းဆီးခေါ်ဆောင်သွားကာ ယနေ့အချိန်ထိ ပျောက်ဆုံးနေပြီး သတင်းအစအန မရရှိသေးကြောင်း နီးစပ်သူများက သျှမ်းသံတော်ဆင့် ကိုပြောသည်။

“သူတို့က အရင်လက နားကောင်းမူးဘက်ကို သွားလည်တာ မိသားစုနဲ့။ ၂၈ ရက်နေ့က အသတ်ခံရတာ ဘယ်သူမှ သတင်းပေးမထွက်ဘူး။ ပြီးတော့ သူအမျိုးသမီးနဲ့ ကလေးကိုလည်း ခုချိန်ထိ အဆက်သွယ်က မရသေးဘူး။ ၁လကျော်နေပြီ”ဟု ၎င်းက ပြောသည်။

အဆိုပါ အသတ်ခံရသည့် ဦးငွေစိုးသန်းသည် ၂၀၂၄ ခုနှစ် (ဒီဇင်ဘာလ ၂၆ ၊ ၂၇ ရက်) တွင် နားကောင်းမူးသို့ မိသားစုနှင့်အတူ သွားရောက်ရှိခဲ့သည်။

ထို့မှ တဆင့် (ဇန်နဝါရီ ၂၈ ရက်)နေ့တွင် ထွေအုပ် စာရေး သေနတ်ဖြင့် အသတ်ခံရပြီး အလောင်းကို မိုင်းကျွတ်မြို့ အသွား လမ်းတစ်နေရာတွင် ပစ်ထားခံခဲ့ရသည်။ ထိုခရီးစဉ်တွင် ၎င်း၏ မိသားစုများလည်း လိုက်ပါခဲ့သည်။

“ ဦးငွေစိုးသန်း က ဒေသအတွင်းမှာ ပိုက်ဆံတွေယူပြီး လောင်းကစားပွဲတွေ လုပ်ဖို့ သူက ခွင့်ပြုတယ်။ ထွေအုပ်ကို ဘယ်အဖွဲ့က ဖမ်းခေါ်သွားပြီး ဘယ်သူသတ်သွားတာကို မသိရသေး။ အလောင်းက သေနတ်ပစ်သတ်ခံရတာ မိုင်းကျွတ်ဒေသ အသွားလမ်းတစ်နေရာမှာ ပစ်ထားခံရတယ်။ လောင်းကစားပွဲကြောင့်လားဆိုပြီး အများစုက ပြောဆိုနေကြတယ်”ဟု ၎င်းက ပြောသည်။

စစ်အာဏာသိမ်းပြီးနောက်တွင် လူသတ်မှုမကြာခဏဖြစ်ပွားလေ့ရှိပြီး မည်သည့် လက်နက်ကိုင် အဖွဲ့အစည်းမှ သတ်သွားမည်ကို မရှာဖွေနိုင်ခဲ့ကြောင်း ၎င်းက ပြောသည်။

မိုင်းဆတ်မြို့တွင် ပြီးခဲ့သည့် ၂၀၂၄ ခုနှစ် (ဧပြီလ ၁၁ ရက်)နေ့ ဝိုင်းနေရပ်ကွက်တွင် အစည်းဝေးလုပ်ရန် လူမစုပေးသည့်အတွက်ကြောင့် ရာအိမ်မှုးတစ်ဦးကိုလည်း ရဲနှင့် အုပ်ချုပ်ရေးမှုးတို့က ဖမ်းဆီးခေါ်ဆောင်သွားများလည်း ပြုလုပ်လေ့ရှိကြောင်း ဒေသခံပြောပြချက်အရ သိရသည်။

အလုပ်သင် သတင်းထောက် နန်းဆိုင်ခမ်း ရေးသားသည်။​