သျှမ်းပြည်တောင်ပိုင်း၊ ရပ်စောက်မြို့နယ် ကျောက်ဂူဒေသတွင် စစ်ကောင်စီ၏
လက်နက်ကြီးပစ်ခတ်မှုကြောင့် အရပ်သားနေအိမ် မီးလောင်ပျက်စီးသွားခဲ့သည်ဟု စုံစမ်းသိရှိရသည်။

ပြီးခဲ့သည့် (ဇန်နဝါရီလ ၁၄ ရက်) နံနက်ပိုင်းတွင် စစ်ကောင်စီနှင့်
ဓနုပြည်သူ့လွတ်မြောက်ရေးတပ်တော်(DPLA) တို့ နှစ်နာရီအကြာ ထိတွေ့တိုက်ပွဲဖြစ်ပွားခဲ့သည်။

ထိုသို့ တိုက်ပွဲဖြစ်ပွားပြီး စစ်ကောင်စီက လက်နက်ကြီးဖြင့် ပစ်ခတ်မှုကြောင့် အရပ်သားနေအိမ် (၂)လုံးမီးလောင်ပျက်စီးခဲ့ပြီး အရပ်သားတစ်ဦး ထိခိုက်ဒဏ်ရာ ရရှိသွားခဲ့သည်ဟု DPLF မှ ယနေ့တွင်ထုတ်ပြန်လာသည်။

အဆိုပါ ထိခိုက်ဒဏ်ရာရရှိသည့် အရပ်သားတစ်ဦးကို DPLFမှ ဆေးကုသပေးနေပြီး စိုးရိမ်ရမှုအခြေနေမရှိတော့ကြောင်း DPLF ရဲ့ ပြောရေးဆိုခွင့်ရှိသူတစ်ဦးက သျှမ်းသံတော်ဆင့်ကို ပြောသည်။

“နေအိမ်တွေ မီးလောင်တာက စစ်ကောင်စီလက်နက်ကြီး ပစ်လို့ လောင်တာ။ အရပ်သားတစ်ဦးကတော့ဒဏ်ရာရတယ်။ ကျနော်တို့ DPLF က ဆေးကုသပေးနေတယ်။ အခြေနေတော့ စိုးရိမ်စရာမရှိတော့ဘူး။”ဟု အဆိုပါ ပြောရးဆိုခွင့်ရှိသူ တစ်ဦးက ပြောသည်။

ထို့အပြင် DPLFမှ စစ်အာဏာရှင် ကျဆုံးသည့်တိုင်အောင် ဆက်လက် တိုက်ပွဲဝင်သွားမည်ဟု ၎င်းကပြောသည်။

ယခုချိန်ထိ ကျောက်ဂူတွင် တိုက်ပွဲဆက်လက်ဖြစ်ပွားနေပြီး စစ်ဘေးရှောင် ထောင်ချီထွက်ပြေးနေကြောင်း DPLF ပြောပြချက်အရသိရသည်။

စစ်ကောင်စီသည် စစ်ရေးပစ်မှတ်မဟုတ်သည့် ပြည်သူလူထုနေအိမ်များနှင့် ကျေးရွာများကိုပစ်မှတ်ထားတိုက်ခိုက်နေပြီး ခဲကြားရွာနှင် ဖက်ရင်းကုန်းရွာတွင်း သို့ လက်နက်ကြီးကျရောက်ပေါက်ကွဲကာ နေအိမ် အဆောက်ဦးများ ထိခိုက် ပျက်စီးသွားသည် ဟု ထုတ်ပြန်ချက်တွင်ဖော်ပြထားသည်။

အလုပ်သင် သတင်းထောက် နန်းလရောင် ရေးသားသည်။