ကချင်ပြည် ဗန်းမော်မြို့နယ်တွင် တိုက်ပွဲများကြောင့် နမ့်ခမ်းမြို့သို့ ထွက်ပြေးတိမ်းရှောင်လာသည့် စစ်ဘေးရှောင် ၂၀၀ ထပ်မနည်းရှိနေကြောင်းသိသည်။
ပြီးခဲ့သည့် ၂၀၂၄ (ဒီဇင်ဘာလ ၄ ရက်)မှစပြီး စစ်ကောင်စီ နှင့် ကချင်လွတ်မြောက်ရေး တပ်မတော် (KIA) ပူးပေါင်းတပ်တို့သည် ကချင်ပြည် ဗန်းမော်မြို့အတွင်း တိုက်ပွဲမျာ စတင်ဖြစ်ပွားခဲ့သည်။
ထိုတိုက်ပွဲကြောင့် စစ်ကောင်စီမှ ဗန်းမော်မြို့ပေါ်နှင့် အနီးပတ်ဝန်းကျင်ကျေးရွာများကို လက်နက်ကြီး၊ လေကြောင်းဗုံးကြဲမှုများပြုလုပ်သဖြင့် ဒေသခံများသည် ဒီဇင်ဘာ နောက်ဆုံးပတ်မှစကာ သျှမ်းပြည် မြောက်ပိုင်း နမ့်ခမ်းမြို့ပေါ်သို့ ထွက်ပြေးလာကြောင်း ဗန်းမော်မြို့မှ စစ်ဘေးရှောင် အမျိုးသမီး တစ်ဉီးက သျှမ်းသံတော်ဆင့်ကိုပြောသည်။
“ဗန်းမော်မြို့နဲ့ တချို့ဘေးရွာကနေ နေလို့မရတော့လို့ထွက်ပြေးလာကြတာ။ကျမတို့ရွာကအိမ်ခြေ ၁၀၀ ကျော်ရှိ တယ် တစ်ဝက်လောက်က လေယာဉ်၊လက်နက်ကြီးတွေကြောင့် ပျက်စီးကုန်ပီ။ရွာထဲမှာလည်း ထိခိုက် သေဆုံးတာတွေ ရှိတယ်။ဗန်းမော်မြို့နဲ့ ကျမတို့ရွာနဲ့က ၃ မိုင်ပဲဝေးတာလေ။ တချို့ကလည်းတစ်ယောက် တစ်ပေါက်ထွက် ပြေးလာကြတယ်။”ဟု စစ်ဘေးရှောင်အမျိုးသမီးတစ်ဦးက ပြောသည်။
ဗန်းမော်မြို့နှင့် အနီးအနားရှိကျေးရွာများတွင် တိုက်ပွဲများကြောင့် အများစုသည် နီးစပ်ရာမြို့သို့ထွက်ပြေး တိမ်းရှောင်နေကြရပြီး မြို့ရွာအတွင်း၌ အိမ်းစောင့်နေသူ နှင့် ငွေးကြေးအခက်အခဲများကြောင့် ကျန်ရှိနေ သူများလည်း ရှိနေကြောင်း စစ်ဘေးရှောင်အမျိုးသမီးက ဆက်ဆိုသည်။
“ကျမတို့ရွာမှာ ကျန်နေသေးတဲ့လူလည်းရှိတယ်။ဗန်းမော် နဲ့ နမ့်ခမ်းကိုတော့ တောလမ်းကနေပဲ ပြေးလာ ကြတာ။ ဆိုင်ကယ်ဖိုးကလည်း တစ်ယောက်ကို ၄ သိန်း ၆ သောင်းလောက်ကုန်တယ်။ တချို့တွေက ငွေရေး အခက်အခဲကြောင့် မပြေးနိုင်ကြတာ။ တချို့ကလည်း သွားဖို့နေရာမရှိလို့ မထွက်လာကြ သေးတာ ရှိတယ်။” ဟု ၎င်းကပြောသည်။
လက်ရှိ ဗန်းမော်ြမို့နယ်မှ ထွက်ပြေးတိမ်းရှောင်လာသည့်စစ်ဘေးရှောင်များသည် နမ့်ခမ်းမြို့နယ်ရှိ နောင်ကောင်၊ နောင်မလုံ၊နောင်ခမ်း၊ကွန်ဟိုင်း၊မန်ကွန်၊အောင်မေတ္တာ စသည့်ကျေးရွာတို့တွင် တည်းရှိနေကြပြီး ဆွေမျိုးအိမ်နှင့် ဘုန်းကြီးကျောင်းတို့တွင်နေထိုင်နေကြောင်း သိရသည်။
ဗန်းမော်မြို့ ဒေသခံအများစုသည် မြစ်ကြီးနား၊ ရွှေကူမြို့၊ မန္တလေးမြို့၊ ပြင်ဦးလွင်၊နမ့်ခမ်း နှင့် နီးစပ်ရာဆွေမျိုး များဆီသို့ အဓိက ထွက်ပြေးတိမ်းရှောင်နေကြကြောင်း ကားသမားတစ်ဦးက ပြောသည်။
ယမန်နေ့ ( ဇန်နဝါရီလ ၆) ရက် ကချင်ပြည်ဗန်းမော်မြို့ ကချင်လွတ်လပ်ရေး တပ်မတော် (KIA) ပူးပေါင်းတပ်များ ထိုးစစ်အရှိန် မြှင့်တင် တိုက်ခိုက်နေ၍ တိုက်ပွဲ ပြင်းထန်နေပြီး အချို့နေရာတွင် မီးလောင်နေကာ မြို့အကြီးအကျယ် ပျက်စီးနေကြောင်း သိရသည်။
Leave a Comments