သျှမ်းပြည်အရှေ့ပိုင်း မိုင်းတုံမြို့တွင် ဘိန်းစာရွက်ရည် သုံးစွဲသူကို ရဲတပ်ဖွဲ့များ လာရောက်ဖမ်းဆီးပြီး ထောင်ဒဏ် အနှစ် (၂၀)ကျော် ချမှတ်ကြောင်း စုံစမ်းသိရသည်။
မိုင်းတုံမြို့တွင် နှစ်ကုန်အချိန် (ဒီဇင်ဘာလ အစ)တွင် မူးယစ်ဆေးဝါးသုံးစွဲများကို မူးယစ်ရဲတပ်ဖွဲ့က အမှုလိုအပ်မှုအတွက် လိုက်လံဖမ်းဆီးရာတွင် ထုံးစံဖြစ်နေကြောင်း ၊ ယခင်နှစ်ဖမ်းဆီးမိသူကို ငွေဖြင့် ပြန်လည် ရွေးခိုင်းပြီး ယခုနှစ် ဖမ်းမိသူကို ထောင်ဒဏ် နှစ်(၂၀) ကျော် ချမှတ်ကြောင်း မိုင်းတုံ ဒေသခံ အမျိုးသားတစ်ဦးက သျှမ်းသံတော်ဆင့်ကို ပြောသည်။
“မိုင်းတုံမြို့မှာ နှစ်ကုန်ပိုင်းမှာ မူးယစ်နှင့် ဆက်စပ်ပြီး သုံစွဲသူကို ဖမ်းတယ် နှစ်ကုန်ပိုင်း အထက်လူကြီးသတ်မှတ်ထားတဲ့ အမှု့လိုအပ်တဲ့အတွက် ဖမ်းဆီးနေတာဖြစ်တယ်။ နှစ်တိုင်းဖမ်းတာတော့ ထုံးစံဖြစ်နေပြီ အရင်နှစ်ဆို ပိုက်ဆံပေးပြီးပြန်ရွေးလို့ ရတယ်။ အခုနှစ်က ထောင်ဒဏ်ကို ချမှတ်တာ ဘာရည်ရွယ်ချက်နဲ့တော့ မပြောတတ်ဘူး”ဟု ၎င်းက ပြောသည်။
လက်ရှိ သျှမ်းအရှေ့ပိုင်းတကြောတွင် ဘိန်းစာရွက်ရည် (Kratom) အရည်ကို ဖော်ရည်သဘောဖြင့် ပိုမိုသုံးစွဲလာသည့်ကို တွေ့မြင်ရသည်။
အဆိုပါ သုံးစွဲသူအများစုသည် ထိုင်း-မြန်မာနယ်စပ်ဖြစ်သည့် တာချီလိတ်၊ မိုင်းဆတ်၊ မိုင်းတုံ၊ နားကောင်းမူး စသည့် မြို့ရဲ့ ပွဲလမ်းသဘင်တွေ ဘီယာ၊ အရက်နည်းတူ ထည့်သွင်းသောက်သုံး လာကြသည်ကို သိရသည်။
“ပြောရမယ်ဆို ထိုင်းနယ်စပ်က ပိုသုံးလာကြတာပေါ့၊ ဖော်ရည်သဘောလိုလည်း ဖြစ်နေတယ်။ ပွဲတိုင်းကို ချပေးတာ ဘီယာနဲ့ ရောတိုက်တာတွေ ရှိလာတယ်၊ သုံးစွဲသူလည်း များလာတယ်။ မိုင်းတုံဗျူဟာက အဲဒီသတင်းကို အထက်မရောက်ဖို့ လိုက်ပိတ်နေတယ်လို့ကြားတယ် ဘာလို့ဆို သူ့လက်အောက်ခံ ပြည်သူစစ်ဖြစ်နေလို့” ဟု ၎င်းက ပြောသည်။
ထို့ကြောင့် ဘိန်းစာရွက်ရည် သောက်သုံးနေသည့်သူများအနေဖြင့် သတိထားရန် လိုအပ်ကြောင်း၊ ဘိန်းစာရွက်သည် ထိုင်းနိုင်ငံတွင် တရားဝင် သုံးစွဲခွင့်ပြုထားသော်လည်း မြန်မာနိုင်ငံတွင် တရားမဝင် မူးယစ်ဆေးအနေဖြင့် ရှိနေသေးသည့်အတွက် သတိထားရန် အထူးလိုအပ်ကြောင်းလည်း မိုင်းတုံ ဒေသခံများက ပြောဆိုသည်။
မိုင်းတုံဗျူဟာက အထက်ပါသတင်းကို အထက်လူကြီးများထံ မရောက်စေရန် လိုက်လံပိတ်ပင်နေပြီး ဖမ်းဆီးမှု ပြုလုပ်နေသူသည် လက်အောက်ခံ ပြည်သူစစ်ဖြစ်နေကြောင်း သိရသည်။
အလုပ်သင် သတင်းထောက် နန်းဆိုင်ခမ်း ရေးသားသည်။
Leave a Comments