သျှမ်းပြည်တောင်ပိုင်း၊ ကျေးသီးမြို့နယ်ရှိ ကျေးရွာအချို့တွင် သျှမ်းပြည်လွတ်မြောက်ရေးပါတီ SSPP/SSA မှ မူးယစ်ဆေးသုံးစွဲနေသူကိုလိုက်လံ ဖမ်းဆီးနေပြီး၊ ပြည်သူများကို ညဘက် အပြင်မထွက်ရန် သတိပေးထားကြောင်း ဒေသခံများထံ စုံစမ်းသိရသည်။
ပြီးခဲ့သည့် အောက်တိုဘာလ မှစပြီး SSPP/SSA တပ်ဖွဲ့ မှ ည ၉ နာရီကျော်တွင် ဒေသခံများကို အသွားအလာမလုပ်ရန် သတိပေးထားပြီး မူးယစ်ဆေးသုံးစွဲသူများကို အပြင်းထန်ဖမ်းဆီးနေကြောင်း ဒေသခံ အမျိုးသမီး တစ်ဉီးက သျှမ်းသံတော်ဆင့်ကိုပြောသည်။
“ညဘက်မထွက်ခိုင်းတာက မှားဖမ်းမိမှာ စိုးလို့ပြောတယ်။ အခုလို ဖမ်းဆီးလိုက်တော့ ကောင်းတာပေါ့။ အရင်က WYသုံးရင် သူများ ပစ္စည်းခိုးတာရှိတယ်၊။ အဲ့အတွက်ကြောင့် အများက စိတ်ပူကြရတာပေါ့ ကိုယ့်အိမ်က မရှိမဲ့ရှိမဲ့ ဆန် ခိုးသွားမလားဆိုတာ စိတ်ပူရတယ်။” ဟု အဆိုပါ ဒေသခံ အမျိုးသမီးက သျှမ်းသံတော်ဆင့်ကို ပြောသည်။
ထိုကဲ့သို့ ဖမ်းဆီးမှုသည့် ယခင်တွင် မကြာခဏဖမ်းဆီးမှု ပြုလုပ်ခဲ့သော်လည်း ယခုနှစ် သြဂုတ်လပိုင်းမှစပြီး ပိုမိုတင်းကြပ်ဖမ်းဆီးလာကြောင်း ၎င်း အမျိုးသမီးက ထပ်လောင်းပြောသည်။
မူးယစ်ဆေးသုံးစွဲသူများကို SSPP/SSA မှ အပြစ်ပေးမှုတွေရှိနေပြီး၊ ဖမ်းဆီးခံရသူများကိုလည်း စစ်သားအဖြစ် လုပ်ခိုင်းခြင်းလည်းရှိကြောင်း ဒေသခံ အမျိုးသားတစ်ဦး ထံမှသိရသည်။
“မကောင်းတာတော့ ဖမ်းသွားပြီးရင် တချို့မိသားစုက အဆက်သွယ်မရတော့တာမျိုးတွေဆိုရင် စစ်သားလုပ်ခိုင်းတာပေါ့။ အဲ့အတွက်ကြောင့် မိသားစုက ဝမ်းနည်းရတာတွေရှိတယ်။တချို့ကြတော့လည်း အဆက်သွယ်ပြန်ရတာမျိုးလည်း ရှိတယ်။” ဟု အသက် ၃၀ ဝန်းကျင် အမျိုးသားတစ်ဦးက ပြောသည်။
မိုင်းရယ်နှင့် ကျေးသီးမြို့နယ်များတွင် ရှမ်းပြည်တိုးတက်ရေးပါတီ SSPP/SSA မှ ထိန်းချုပ်ထားပြီး၊ “၁၀၂၇ စစ်ဆင်ရေး” ဖြစ်ပွားပြီးနောက် သျှမ်းမြောက် စစ်ရှောင်များ လာရောက် ခိုလှုံနေကြောင်း နယ်မြေလည်းဖြစ်သည်။
အလုပ်သင် သတင်းထောက် နန်းလရောင် ရေးသားသည်။
Leave a Comments