သျှမ်းတောင်၊ ဓနုဒေသ၊ ရွာငံမြို့ပြင်ရှိ စစ်ကောင်စီ စစ်ဆေးရေးဂိတ်ကို ယမန်နေ့ (နိုဝင်ဘာလ ၁၄ ရက်) မွန်းလွဲပိုင်းက တော်လှန်ရေးတပ် ဝင်ရောက်တိုက်ခိုက်ရာ မူးယစ်ရဲ ၆ ဦးနှင့် ရိုးရိုးရဲ ၁ ဦး သေဆုံးသွားကြောင်း သတင်းရင်းမြစ်က ပြောသည်။
မန္တလေး- ဟန်မြင့်မိုရ်- ရွာငံ- အောင်ပန်းမှ ရွှေညောင်-တောင်ကြီးသို့ သွားရာလမ်းရှိ ရွာငံ စစ်ကောင်စီ စစ်ဆေးရေးဂိတ်နှင့် ရဲကင်း တိုက်ခိုက်ခံရသဖြင့် တောင်ကြီး တန်ဆောင်တိုင်ပွဲသွားသည့် ရာနှင့်ချီသည့် ကားများ ပိတ်မိခဲ့ကြောင်း ကားသမား တစ်ဦးက ပြောသည်။
“ရွာငံမြို့ပြင် ဂိတ်မှာ ဖြစ်တော့ ကားတွေ ပိတ်နေတာ။ ကျနော်ကတော့ ကွင်းလမ်းက သွားလိုက်တယ်။ ပေါက်ကွဲသံတွေလည်း ကြားတယ်” ဟု ယမန်နေ့က အခြေအနေကို ကားသမား တစ်ဉီးက ပြောပြသည်။
တိုက်ခိုက်မှု ဖြစ်ပွားပြီးနောက် စစ်ကောင်စီတပ်များ ရောက်လာပြီး နာရီအတန်ကြာ ပိတ်ဆို့ စစ်ဆေးခဲ့ကြောင်း သိရသည်။
ယခုတိုက်ခိုက်မှုကို မည်သည့် တော်လှန်ရေး တပ်ဖွဲ့က လုပ်ဆောင်ခဲ့ကြောင်း ထုတ်ပြန်ခြင်း မရှိသေးပေ။
ရွာငံမြို့နယ်တွင် စစ်တပ် အထိုင်တပ် မရှိသော်လည်း ယခုနောက်ပိုင် စစ်တပ်က နေရာများစွာတွင် တပ်စွဲထားသည့် နည်းတူ ဒေသခံ ဓနု တိုင်းရင်းသားများကလည်း စစ်ကောင်စီကို လက်နက်စွဲကိုင် တော်လှန် တိုက်ခိုက်နေဖြစ် ဖြစ်သည်။
Leave a Comments