တရုတ်၏ One Belt One Road စီမံကိန်း၊ မြန်မာနှင့်ဆိုင်သည့် CMR မြန်မာ-တရုတ် စီးပွားရေး စင်္ကြံစီမံကိန်းများနှင့် ပတ်သက်ပြီး မကြာမီတိုးမြင့်လာတော့မည်ဟု ဗိုလ်ချုပ်ဇော်မင်းထွန်းက ပြောသည်။
တရုတ်အစိုးရ ဖိတ်ကြားချက်အရ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်သည် နိုဝင်ဘာလ ၅ ရက်မှ ၁၀ ရက်နေ့အထိ တရုတ်နိုင်ငံသို့ သွားရောက်တွေ့ဆုံခဲ့ပြီးသည့်နောက် ဗိုလ်ချုပ်ဇော်မင်းထွန်းက ထိုသို့ပြောဆိုခဲ့ခြင်းဖြစ်သည်။
ခရီးစဉ်အတွင်း တရုတ်နိုင်ငံဝန်းကြီးချုပ် လီချန်းနှင့် တွေ့ဆုံခဲ့သလို ယူနန်ပြည်နယ်၏ ပါတီအတွင်းရေးမှူး မစ္စတာ ဝမ်နင်နှင့်လည်း တွေ့ဆုံခဲ့ကြောင်း စစ်ကောင်စီပြောခွင့်ရ ဗိုလ်ချုပ်ဇော်မင်းထွန်းကပြောသည်။
၎င်းက “တရုတ်နိုင်ငံရဲ့ နယ်နိမိတ်၊ တရုတ်နိုင်ငံရဲ့ နယ်မြေကို အခြေပြုပြီး မြန်မာနိုင်ငံကို ဆန့်ကျင်နေတဲ့သူတွေ၊ မြန်မာနိုင်ငံနဲ့ ပတ်သတ်ဆန့်ကျင်နေတဲ့ အဖွဲ့အစည်းမှန်သမျှကို လက်မခံကြောင်း ပြောပါတယ်” ဟု ဗိုလ်ချုပ်ဇော်မင်းထွန်းက တရုတ်ကို တိုင်တောခဲ့ကြောင်းပြောသည်။
ထို့အတူ အိမ်းနီးချင်းနိုင်ငံများဖြစ်သည့် ထိုင်းနိုင်ငံ ဝန်ကြီးချုပ်၊ ကမ္ဘောဒီးယားဝန်ကြီးချုပ်၊ လာအိုနိုင်ငံဝန်ကြီးချုပ်များနှင့် အပြုသဘောဆောင်သည့် ဆက်ဆံရေး၊ အပြုသဘောဆောင်သည့် တိုးတက်မှုများကို ရရှိအောင် ဆွေးနွေးနိုင်ခဲ့သည်ဟု ဆိုသည်။
ထိုခရီးစဉ်သည် မြန်မာပြည်သူလူထု၏ လူမှုစီးပွားဘဝ မြင့်တက်စေရေးအတွက် အထူးကိုပဲ အောင်မြင်သည့် ခရီးစဉ်တစ်ခုဖြစ်သည်ဟု စစ်ကောင်စီပြောခွင့်ရ ဗိုလ်ချုပ်ဇော်မင်းထွန်းက ထပ်လောင်းပြောသည်။
ပြီးခဲ့သည့် နိုဝင်ဘာလ ၆ ရက်နေ့က ကူမင်းမြို့တွင် ပြုလုပ်သည့် တရုတ်စီးပွားရေး လုပ်ငန်းရှင်များနှင့် တွေ့ဆုံပွဲတွင် မြန်မာ-တရုတ်နယ်စပ်ဒေ အများစုကို တိုက်ခိုက်သိမ်းပိုက်ထားသည့် တိုင်းရင်းသား လက်နက်ကိုင်များသည် နှစ်နိုင်ငံနယ်စပ်တည်ငြိမ်ရေးအတွက် အန္တရာယ်များသူများဖြစ်ကြောင်း စစ်ခေါင်းဆောင် မင်းအောင်လှိုင်က တရုတ်အစိုးရကို တိုင်တည်ပြောဆိုခဲ့သည်။
ထို့နောက် တရုတ်ဝန်းကြီးချုပ် လီချန်းက စစ်ခေါင်းဆောင်မင်းအောင်လှိုင်နှင့် တွေ့ဆုံခဲ့စဉ် တရုတ်-မြန်မာနယ်စပ်ဂိတ်များအား စစ်ကောင်စီ အပြည့်အဝ မီမံခန့်ခွဲခွင့်ရရေး ဆောင်ရွက်မည်ဟု တရုတ်ဝန်းကြီးချုပ်က နိုဝင်ဘာလ ၆ ရက်နေ့က ပြောဆိုလိုက်သည်။
