သျှမ်းပြည်တွင် သဘာဝဘေးကဲ့သို့ မိုးသည်းထန်စွာတွန်း၍ ရေကြီးရေလျှံမှုများ ထပ်မံကြုံတွေ့ နိုင်ကြောင်း မိုးလေဝသ ပညာရှင် စုစုစံက  ယနေ့  နိုဝင်ဘာလ ၅ ရက်နေ့တွင် ထုတ်ပြန်ခဲ့သည်။ 

လာမည့် နိုဝင်ဘာလ ၆ ရက် မှ ၈ ရက်ထိ လွိုင်လင်ခရိုင် ၊ တောင်ကြီးခရိုင် ၊ ကလောခရိုင် ၊ ပင်လောင်း ပအိုဝ်းဒေသ ၊ လင်းခေးခရိုင် နှင့် မိုင်းပန်ခရိုင် တို့တွင် မိုးသည်းထန် စွားရွာသွန်း၍ ရေကြီးရေလျှံမှုများ ထပ်မံဖြစ်ပေါ်လာနိုင်ကြောင်း စုစုစံက ၎င်း၏ လူမှုကွန်ရက်စာမျက်နှာတွင်ရေးသားဖော်ပြထားသည်။ 

ထို့ကြောင့် လွန်ခဲ့သည့်လပိုင်းတွင် ရေကြီးမှုကြုံခဲ့ရသည့် လင်းခေးမြို့ ပြည်သူများသည့် ရေကြီးမှုထပ်မံဖြစ်ပွားမည်ကို စိုးရိမ်နေရကြောင်း  အသက် ၄၀ ဝန်းကျင်အရွယ် အမျိုးသားတစ်ဦးမှ သျှမ်းသံတော်ဆင့်ကို ပြောသည်။ 

“ကျနော်တို့က ဒီနှစ်ရေကြီးတာ အကြိမ်ကြိမ်ခံခဲ့ရပြီ ဆိုတော့- စုစုစံ ကိုအမြဲစောင့်ကြည့်နေရတယ်။ သူတင်တာ ၉၀ ရာခိုင်နှုန်းမှန်တယ်။အခုလည်း ရေထပ်ကြီးမယ်လို့သူတင်ထားတာတွေ့တော့ ကျနော်တို့ ချောင်းဘေးနေတဲ့ သူတွေ အနိမ့်ပိုင်းနေတဲ့သူတွေ အရမ်းလှန့်နေကြတယ်။အစားအသောက်အခြောက်အခြမ်း တွေတော့ဝယ် ထားတယ် အရေးကြီးပစ္စည်းတွေအမြင့်ပိုင်းကို ရွှေ့ထားတယ်။အဲလိုပြင်ဆင်ထားတာတော့ရှိတယ်။” အသက် ၄၀ ဝန်းကျင်အရွယ် အမျိုးသားတစ်ဦး ပြေသည်။ 

ပြီးခဲ့သည့် စက်တင်ဘာလ အတွင်း သျှမ်းပြည် တောင်ပိုင်း နှင့်  ရှေ့ပိုင်းတွင်  မိုးသည်းထန်စွာ ရွာသွန်းမှုကြောင့် ရေကြီးရေလျှံမှုများကြုံ့တွေ့ခဲ့ရသည်။ 

မြေပြိုမှုကြောင့် အဆောက်အဦးများ၊ လမ်း၊ တံတား နှင့် လယ်ယာ၊ စိုက်ခင်းများစွား ပျက်စီးဆုံးရှုံးမှု ဖြစ်ခဲ့ရပြီး၊ အချို့နေရာဒေသများ တွင်  ရွာလုံကျွတ်နီးပါ မြေပြို၍ ရွံ့နွံလွှမ်းသွားခြင်းကြောင်း လက်ရှိအချိန်ထိဒေသခံများ ပြန်လည်ထူထောင်၍ နေထိုင်ရန် ခက်ခဲနေကြာကြောင်း သိရသည်။ 

နိုဝင်ဘာလ ၆ ရက်မှစ၍ ကချင်ပြည်နယ်တစ်ခုမှလွဲ၍ ကျန်တိုင်းဒေသကြီး နှင့် ပြည်နယ်များတွင် မိုးကြီးနိုင်ကြောင်း မိုးလေဝသနဲ့ဇလဗေဒညွှန်ကြားမှုဦးစီးဌာနက နိုဝင်ဘာ ၄ ရက်မှာ အထူးမိုးလေဝသ သတိပေးချက်ထုတ်ပြန်ပါသည်။