ထိုင်းနိုင်ငံတွင် အခုရက်ပိုင်းအတွင်း ဖုန်းမှတစ်ဆင့် ဆက်သွယ်လာပြီး ငွေလိမ်လည်မှုများရှိနေသဖြင့် သတိထားကြရန် ထိုင်းထောက်လှမ်းရေးအဖွဲ့မှ အသိပေးကြေညာထားသည်။
ငွေလိမ်လည်သူများက 0600031913 ဆိုသည့် ဖုန်းနံပါတ်ကိုအသုံးပြုပြီး ဆက်သွယ်လာကာ ငွေလွှဲပေးရန် လှည့်ဖြားခြင်း၊ အချက်အလက်များအား တောင်းယူခြင်း၊ မိုဘိုင်းလ်ဖုန်း ဒရိုက်ဗာ ထည့်သွင်းရန် လှည့်စားခြင်း၊ အက်ပလီကေးရှင်း ဒေါင်းလုတ်ရန် စည်းရုံးခြင်းနှင့် လုံခြုံရေးကုဒ် (သို့) အရေးကြီး အချက်အလက်များကို တောင်းယူခြင်း စသည့်ဖြင့် လိမ်လည်နေကြောင်း ဆိုသည်။
ထို့အပြင် ဖုန်းမက်ဆေ့အတွင်း Link (လင့်ခ်) များ ပို့ပေးတတ်လာသောကြောင့် စူးစူးစမ်းစမ်းဝင်ရောက် ကြည့်ရှုခြင်း မပြုလုပ်ကြရန်၊ ငွေလိမ်လည်သူများက အက်ပလီကေးရှင်း ဒေါင်းလုတ်ခိုင်းပြီး အလိုအလျှောက် ငွေများနုတ်ယူသွားသောကြောင့် အထူးသတိပြုရန် ထိုင်းထောက်လှမ်းရေးအဖွဲ့မှ အသိပေးထားသည်။
ထို့ကြောင့် ယင်းဖုန်းနံပါတ်အား ဆက်သွယ်လာပါက မကိုင်ရန်၊ မဆက်သွယ်ရန် ထိုင်းထောင်လှမ်းအရေးအဖွဲ့မှ အသိပေးထားသည်။
Leave a Comments