သျှမ်းပြည်မြောက်ပိုင်း လားရှိုးမြို့တွင် ကိုးကန့်တပ်ဖွဲ့ MNDAA က စစ်ကောင်စီထံ သတင်းပေးသူမျာကို ဖမ်းဆီးထားပြီး သေဒဏ်ပေးမည်ဟု စုံစမ်းသိရှိရသည်။
ထို စစ်ကောင်စီထံ သတင်းပေးသူ အယောက် (၃၀)ကို ကိုးကန်တပ်ဖွဲ့က ဖမ်းဆီးထားပြီး၊လက်ရှိမှာ သေဒဏ်မချမှတ်သေးကြောင်းလားရှိုးမြို့ ဒေသခံအမျိုးသမီးတစ်ဦးက ပြောသည်။
“ အယောက် ၃၀ ကျော်လောက်တော့ဖမ်းမိတယ်လို့ပြောတယ်။။ ဘယ်နားမှာဖမ်းထားလဲတော့သေချာမသိဘူး။ သူတို့က စစ်ကောင်စီကို သတင်းပေးလို့ ဆိုပြီးဖမ်းထားတာ။ သူတို့လည်း သေချာပြန် စိစစ်ပြီးတော့ ဖမ်းထားတယ်။ သေဒဏ်ပေးမယ်လို့တော့ကြားတယ်။ ပြီးတော့ မြို့ပတ်ပြမယ်တဲ့” ဟု ၎င်းအမျိုးသမီးက ဆိုသည်။
လက်ရှိလားရှိုးမြို့တွင် စစ်ကောင်စီက ဒေသခံများကို ပိုက်ဆံပေးပြီ ကိုးကန်တပ်ဖွဲ့နဲ့ ပတ်သက်သည့် သတင်းအချက်လက်တွေကို ဝယ်ယူနေကြောင်း ၊ထိုသတင်းအချက်အလက်ပေါ်မူတည်၍ စစ်ကောင်စီက လားရှိုးမြို့ပေါ်ကို လေကြောင်းလိုင်းဖြင့် ဗုံးကြဲတိုက်ခိုက် နေကြောင်းသိရသည်။
ထိုအပြင် စစ်ကောင်စီသည် လားရှိုးမြို့ ကိုးကန့်တပ်ဖွဲ့နှင့်မသက်ဆိုင်ဟုပြောဆိုကာ ပြန်ရသည့် အထိတိုက်ယူမည်ဟုဆိုသည့်သတင်းကြောင့် ဒေသခံများကလည်း ထပ်မံထွက်ပြေးတိမ်းရှောင်နေပြီ စိုးရိမ်နေကြသည်။
“ အခုတော့ ပိုပြီးထွက်ပြေးသွားကြတာတယ်။ တစ်ချို့လည်း ဒီတိုင်းပဲနေနေတာရှိတယ်။ ကျမတို့က ပြည်သူတွေလေ။ သွားပြောလို့လည်းမရဘူး။ ကိုးကန်တွေလားရှိုးမှာမနေနဲ့လို့လည်းသွားပြောမရဘူး။ ဘယ်သူပဲ လာအုပ်ချုပ်ချုပ် ကျမတို့ ပြည်သူတွေပဲ အကုန်နစ်နာရတယ်” ဟု အထက်ပါလားရှိုးမြို့ဒေသခံတစ်ဦးက ပြောသည်။
တစ်ဖက်တွင်လည်း တရုတ်က စစ်ကောင်စီက ပြိုကျသွားမှာကို မလိုလားကြောင်းကို တရုတ်နိုင်ငံခြားရေးဝန်ကြီးဌာန အာရှရေးရာ အထူးကိုယ်စားလှယ် မစ္စတာတိန့်ရှီးကျွင်း နဲ “ဝ” ပြည်သွေးစည်ညီညွတ်ရေး UWSA ထိပ်ပိုင်းခေါင်းဆောင်တို့ တရုတ်နိုင်ငံယူနန်ပြည်နယ်တွင် ပြုလုပ်ခဲ့သည့် အစည်းဝေးမှတ်တမ်းတွင် ပေါက်ကြားခဲ့သည်။
ထိုအစည်းဝေးထဲတွင် ညီနောင်မဟာမိတ်များနှင့် PDF တပ်ဖွဲ့များကို လက်နက်ခဲယမ်းမရောင်းချပေးရန် တရုတ်က “ဝ” တပ်ဖွဲ့ကို ဖိအားပေးခဲ့ကြောင်း သိရသည်။
ထိုကြောင့် လားရှိုးမြို့ကိုလည်း စစ်ကောင်စီက ပြန်လည်တိုက်ခိုက်နေတာကို တရုတ်ကို ရေငုတ်နှုတ်ပိတ်နေသည်ဟု နိုင်ငံရေးလေ့လာသုံးသပ်သူတစ်ဦးက အခုလိုပြောသည်။
“ စစ်ကောင်စီက အခုလို လားရှိုးကို တိုက်ခိုက်နေတာ တရုတ်က ရေငုတ်နှုတ်ပိတ်ပြီး ဘာမှ မပြောတာဟာ မြန်မာစစ်တပ်ရဲ့ ပြည်တွင်းစစ်ကို ဝင်ရောက်မစွတ်ဖက်ဘူးလို့ပြောလို့ရတယ်။ တိုက်ပွဲကတော့ ဆက်ပြင်းထန်လာနိုင်တယ်။ ကိုးကန်လည်း လားရှိုးကို ဘယ်လောက်ကြာကြာဆက်ထိန်းထားနိုင်မလဲဆိုတာ စောင့်ကြည့်ရမှာဖြစ်ပါတယ်” ဟု အမည်မဖော်လိုသည့် နိုင်ငံရေးလေ့လာသုံးသပ်သူတစ်ဦးက ပြောသည်။
အလားတူ စက်တင်ဘာလအတွင်းမှာလည်း ကိုးကန့်တပ်ဖွဲ့ MNDAA က NUG နှင့်အတူ နိုင်ငံရေး ၊ စစ်ရေးကို ဖော်ဆောင်သွားမှာမဟုတ်ကြောင်း နှင့် မြန်မာအရေးကို တရုတ်က ကြားဝင်စေ့စပ်ညှိနှိုင်းပေးဖို့အတွက် တောင်းဆိုထားသည်။
Leave a Comments