သျှမ်းပြည်တောင်ပိုင်း ဆီဆိုင်မြို့နယ်တွင် ကုန်ပစ္စည်းများ သယ်ယူခွင့်ကို စစ်ကောင်စီပိတ်ပင်နေသည်ဟု စုံစမ်းသိရသည်။
ဆီဆိုင်မြို့တွင် စက်တင်ဘာလ ဒုတိယပတ်လောက်မှ စစ်ဆေးမှုတွေ တင်းကြပ်လာပြီး ကုန်ပစ္စည်းအများအပြား သယ်လာသည့် ကုန်ကားကြီးများကို ဖြတ်သန်းခွင့်မပြုကြောင်း မြို့နယ်ဒေသခံ အမျိုးသားတစ်ဦးက ပြောသည်။
“ ဒုတိယပတ်လောက်မှ စစ်ဆေးတာပိုတင်းကြပ်လာတယ်။ ဆိုင်ကယ်တော့ ပေးဖြတ်တယ်။ ကုန်ကားကြီးတွေဆို မပေးဖြတ်ဘူး။ ပစ္စည်းအများကြီးတင်တဲ့ကားတွေဆိုလည်း မပေးသွားဘူး။ ဘာလို့လည်ဆိုတာတော့ မသိဘူး ။ တိုက်ပွဲပြန်ဖြစ်နိုင်ခြေရှိနေလိုလာ မသိဘူး “ ၎င်းကပြောသည်။
ယခုကဲ့သို့ ကုန်သည်ကားကြီးတွေ ပိတ်ပင်လိုက်ခြင်းသည် ဆိုင်ရှင်နှင့် ပြည်သူများအတွက် စားသောက်ရန် ပိုကြပ်လာပြီး၊ တိုက်ပွဲဖြစ်ပြီးနောက်တွင် တမြို့လုံးနီးပါးပျက်စီးကုန်ကြပြီး မိသားစုများ စားသောက်နေရန် အလုပ်လုပ်နေရသည့် ပြည်သူများလည်း တစ်နေ့ထက်တစ်နေ့ ပိုခက်ခဲ့လာသည်ဟု ဒေသခံတစ်ဦးက ပြောသည်။
“ ခုလို ကုန်ကားတွေပိတ်လိုက်တော့ ဆိုင်ရှင်နဲ့ စားသုံးသူတွေအတွက်က ပိုကျပ်လာတယ်။ မြို့ကလည်း တော်တော်လေးဟောင်းသွားတယ်။ မြို့ခံ ၃ ပုံတစ်ပုံပဲကျန်တော့ စားသောက်ဖို့ရှာရတာ တကယ်မလွယ်ဘူး။ တိုက်ပွဲပြန်ဖြစ်မှာလည်း စိုးရိမ်နေရတယ် ကြောက်ကြောက်နဲ့နေနေရတယ်” ဟု ၎င်းကပြောသည်။
အဆိုပါ PNO စောင့်သည့် စစ်ဆေးရေးဂိတ်တွင်စောင့်ပြီး ဆက်ကြေးများကောက်မှုကြောင့် ဒေသခံများတွက် အခက်အခဲများဖြစ်နေပြီး ပွဲများရှိလျှင် ဂိတ်ပိုဖြတ်သန်းသွားလာလျှင် စစ်ဆေးမှုများတင်ကြပ် ကြောင်းသိရသည်။
ထို ငွေမကြာခဏကောက်ခံမှုများကြောင့် ပြည်သူများအနေဖြင့် ငွေရေး၊ ကြေးရေး အခက်အခဲအပြင် ခရီသွားရာတွင်လည်း အခက်အခဲများကြုံတွေ့စေကြောင်း သိရသည်။
ထို့အပြင် စစ်တပ်အာဏာသိမ်းပြီး သုံးနှစ်ကျော် ကာလအတွင်း သျှမ်းပြည်တစ်ဝှမ်းလုံးရှိ ပြည်ထောင်စု ကားလမ်းမပေါ်တွင် စစ်ကောင်စီတပ်ဖွဲ့မှ စစ်ဆေးရေး ဂိတ်တိုးချဲ့ ဆောက်လုပ်ပြီး ခရီးသွား ပြည်သူများကို ငွေအဆမတန် တောင်းခံနေလျက်ရှိကြောင်း သိရသည်။
အလုပ်သင် သတင်းထောက် နန်းဆိုင်ခမ်း ရေးသားသည်။
