သျှမ်းပြည်နယ်တောင်ပိုင်း၊ ကလောမြို့နယ် တောင်ကိုးလုံးအနီးကျေးရွာဖက်တွင် မြေပြိုမှုကြောင်း ဒေသခံအများပြား ပိတ်မိနေကြောင်းသိရသည်။

ပြီးခဲ့သည့် စက်တင်ဘာလ ၂၀ ရက်တွင် မိုးများအဆက်မပြတ်ရွာသွန်းကာ တောင်များမှ မြေပြိုမှုကြောင့် ကျေးရွာ ၆ရွာ အဆက်သွယ်ပြတ်တောက်၍ နေအိမ်ပျက်စီးမှုရှိကာ ဒေသခံအများပြားပိတ်မိနေပြီး ကူညီကယ်ဆယ်ရေးနှင့် အလှူရှင်များ သွားရောက်ကူနေကြောင်းသိရသည်။

“ လောလောဆယ်တော့ ကူညီကယ်မှုတွေလုပ်နေတယ်။ သွားရခက်ခဲတော့ လူသေမှုစာရင်းတွေ ပျက်စီးမှုစာရင်းတွေကို မယူရသေးဘူး။ ခုလက်ရှိတော့ ဒေသခံတွေ အများကြီးပိတ်မိနေတယ်။သုံးပုံ နှစ်ပုံလောက်ပျက်စီးသွားတယ်။” ဟု ကူညီကယ်ဆောင်ရွက်နေသည့် အမျိုးသားတစ်ဦးကပြောသည်။

တောင်ကိုးလုံးသည် ကလောမြို့မှ( ၆ )မိုင်ခန့်ဝေးပြီး ကယ်ဆယ်ဆောင်ရွက်ထားသည့် ဒေသခံများကို ကလောမြို့ဘုန်းကြီးကျောင်းနှင့် နီးစပ်ရာကျောင်းတို့တွင် နေထိုင်ခိုင်းထားကြောင်း သိရသည်။

ယခုကဲ့သို ရေကြီးမြေပြိုမှုများသည် တောင်ကိုးလုံးဖက်တွင်ပထမဆုံးအကြိမ် ဖြစ်ပြီးလမ်းပန်းဆက်သွယ်ရေးခက်ခဲကာ သွားလာရခက်နေကြောင်းသိရသည်။

တောင်ကိုးလုံးဒေသတွင် အင်းးခေါင်း/ ရေအေးချောင်း/ တောင်ပွါ / စလယ်အင်နှင့် ပင်စိမ်းအိမ့် ရွာများရှိပြီး ဒေသခံ ၅၀၀ နီးပါးခန့်ပိတ်မိနေသည်။

“ဖြစ်စဉ်ကများတယ်။ တောပြုန်းတာလည်းပါတယ်။သတ္တုတွင်းတွေခဲအများပါတော့ ပြောလို့မပြီးတော့ဘူး။ ကယ်ဆယ်ရေးအဖွဲ့ ၅ဖွဲ့လောက်သွား။ အိမ်တွေပါသွားတဲ့သူဆို သူတို့ရဲ့သုံးကုန်တွေလိုမယ်၊ ဆန်တွေ စားစရာတွေလိုတယ်။ သုံးလေးငါးရွာဆိုတော့လုံလောက်မှုမရှိဘူးပေါ့လေ” ဟု ဒေသခံအမျိုးသားက ပြောသည်။

ကလောမြို့သည် လွန်စွာ လှပပြီး အေးချမ်းသည့် မြို့တစ်မြို့အဖြစ်ရှိခဲ့သော်လည်း ယခုအခါတွင် သဘာဝဘေးဖြစ်သည့် ရေကြီးမြေပြိုမှုများကြောင့် ပျက်စီးခဲ့ရပြီး ယနေ့အထိ ရှင်းလင်းမှုတွေ လုပ်ဆောင်နိုင်မှုမရှိသေးကြောင်းသိရသည်။

အလုပ်သင် သတင်းထောက် နန်းလရောင် ရေးသားသည်။