သျှမ်းပြည်မြောက်ပိုင်း ကိုးကန့်တပ်ဖွဲ့ ( MNDAA )ထိန်းချုပ်ထားသည့် လားရှိုးမြို့အတွင်းသို့ စစ်ကောင်စီမှ ပေါင် (၅၀၀) ဗုံး ၄ လုံးထပ်မံကြဲရပြီး အရပ်သား ၁၀ ဦးထက်မနည်း ဒဏ်ရာရရှိ၊ ၁ ဦး သေဆုံးမှုကြောင်း စုံစမ်းသိရသည်။
ယနေ့ (စက်တင်ဘာလ ၂၄ ရက်) နံနက်ပိုင်း ၁နာရီခွဲတွင် ပြည်သူများ အိပ်မောကျချိန်၌ စစ်ကောင်စီမှ ပေါင် ၅၀၀ ဗုံး ၂ လုံး လာရောက် ဗုံးကြဲခဲ့သဖြင့် အရပ်သား ၉ ဦးဒဏ်ရာခဲ့သည့်အပြင် နံနက် ၄နာရီဝန်းကျင်တွင်လည်း ပေါင် ၅၀၀ ဗုံး ၂လုံး ထပ်မံဗုံးကြဲ တိုက်ခိုက်ခဲ့ရာက အရပ်သား၁ဦးသေဆုံးပြီး ထိခိုက်သူများပြားကြောင်း မြို့နယ်ဒေသခံ အမျိုးသားတစ်ဦးက သျှမ်းသံတော်ဆင့်ကို ပြောသည်။
“ ဒီမနက် လူအိပ်ချိန်ကိုမှ လာကြဲသွားတယ်။ မနက် ၁နာရီခွဲမှာ ပေါင် ၅၀၀ဗုံး ၂ လုံးလာကြဲသွားတော့ ၉ယောက် ဒဏ်ရာရတယ်။ ကျနော်တို့ပြည်သူတွေ အကုန်လန့်ပြီး ထလာကြတယ်။ ၄နာရီအချိန်မှာလည်း ၂လုံးထပ်ပစ်တယ် ၁ဦးသေ၊ ထိခိုက်သူလည်းများတယ် “ ဟု ၎င်းကပြောသည်။
ယနေ့ (စက်တင်ဘာ ၂၄) နံနက်ပိုင်းအချိန် ၁နာရီခွဲတွင် ရပ်ကွက်(၂)ရှိ ရထိုက်ဟိုတယ်နှင့် ဖူလီလိုက်ဟိုတယ် အဆောက်အဉီးကို ပေါင် ၅၀၀ ဗုံး၂ လုံး ဗုံးကြဲတိုက်ခိုက်ခံရသည့်အပြင် အဆောက်အဉီး အာလုံး ပျက်စီးခဲ့သည်။
ထို့အပြင် ယနေ့ (စက်တင်ဘာ ၂၄) နံနက်၄ နာရီဝန်းကျင်အချိန်တွင် ၎င်းနေရာရှိ လပ်ကီးရွှေဆိုင်အနီးတဝိုက်ရှိ နေအိမ်များ မီးလောင်ပျက်စီးခဲ့သဖြင့် မီးသတ်များအချိန်မီ သွားရောက်ငြိမ်းသတ်ခဲ့ကြောင်း ပါဝင်ကူညီပေးခဲ့သည့် အမျိုးသားတစ်ဦးက ပြောသည်။
“ ရပ်ကွက် ၂ ကိုပဲ ၂ကြိမ်လုံးကြဲသွားတယ် အဆောက်အဉီးတော့ ရစရာမရှိတော့ဘူး။ အကုန်ပျက်စီးတယ်။ တချို့အိမ်တွေ မီးပါလောက်ကုန်တယ် ။ မီးသတ်ဖွဲ့တွေလည်း သက်နိုင်တဲ့ဘက်ကနေ ကြိုးစားပြီး မီးသတ်ပေးတယ်” ၎င်းကပြောသည်။
လားရှိုးမြို့အတွင်းသို့ စစ်ကောင်စီသည် ယခုရက်ပိုင်း နေ့စဉ်ဆက်တိုက် လာရောက်ဗုံးကြဲနေကြောင်း သိရသည်။
မြန်မာနိုင်ငံတဝှမ်းနှင့် သျှမ်းပြည်မြို့ကြီးများတွင် ရေဘေးအန္တရာယ် ရင်ဆိုင်နေရချိန်တွင် စစ်ကောင်စီတပ်သည် ညီနောင်မဟာမိတ်တပ်များထိန်းချုပ်ထားသည့် နယ်မြေဒေသများသို့ တန်ပြန်ထိုးစစ်ဆင်ကာ လေကြောင်းဖြင့် ဆက်တိုက်ဗုံးကြဲ တိုက်ခိုက်မှုများကြောင့် နှစ်ပတ်အတွင်းအရပ်သားသေဆုံးမှု ပိုမိုမြင့်တက်လာနေသည်။
စစ်ကောင်စီတပ်သည် အရပ်သားပစ်မှတ်များ ဦးတည်ကာ လူအများအပြား သေစေနိုင်သည့် ပေါင် (၅၀၀) ဗုံးဖြင့် နေ့စဉ်လာရောက် ဗုံးကြဲတိုက်ခိုက်နေပြီး အကြမ်းဖက်လုပ်ရပ်များ ပြောင်ပြောင်တင်းတင်း ပြုလုပ်နေကြောင်း TNLA ဘက်မှ ပြောဆိုထားသည်။
အလုပ်သင် သတင်းထောက် နန်းဆိုင်ခမ်း ရေးသားသည်။
Leave a Comments