တတိယအကြိမ်မြောက် အမျိုးသမီးနှင့် ငြိမ်းချမ်းရေးဖိုရမ်ကို သျှမ်းပြည်တောင်ပိုင်း တောင်ကြီးမြို့တွင် ကျင်းပရာ အမျိုးသမီးနှင့်ကလေးများဘေးကင်းစေရေး အကာအကွယ်ပေးနိုင်သည့် ဥပဒေအမြန်ဆုံး ပေါ်ပေါက်လာဖို့ ဆွေးနွေးနိုင်ခဲ့ကြောင်းသိရသည်။

မိတ်သစ်သျှမ်းပြည်မှ ဦးဆောင်ပြုလုပ်သည့် လူမှုအခြေပြုအသင်းအဖွဲ့များဆွေးနွေးပွဲဖိုရမ်ကို နို၀င် ဘာလ ၁၁ နှင့် ၁၂ ရက်နေ့တွင် တောင်ကြီးမြို့ လမ်းမတော်လမ်းရှိ ခရိယာန်ဘုရားကျောင်းတွင် ကျင်းပရာ နေပြည်တော်၊ တောင်ကြီးမှ အမျိုးသမီးအဖွဲ့အစည်း ကိုယ်စားလှယ်များ၊ ငြိမ်းချမ်းရေး ကိုယ်စားလှယ်များ စုစုပေါင်း ၁၃၅ ဦးတက်ရောက်ခဲ့ကြောင်းသိရသည်။

“နိုင်ငံရေးပြောင်းလဲပြီဆိုပေမယ့် အမျိုးသမီးနဲ့ကလေးတွေ ဘဝလုံခြုံရေး မရှိသေးဘူး။ တိုက်ပွဲ တွေဖြစ်ပွါးနေ တဲ့ကာလပတ်လုံး အမျိုးသမီးနဲ့ကလေးတွေ အနိုင်ကျင့်မှုတွေ လူ့အခွင့်အရေးချိုး ဖောက်မှုတွေခံနေရဦးမယ်။ ဒီအတွက်အကာအကွယ်ပေးနိုင်မယ့် ဥပဒေအမြန်ဆုံးပေါ်ပေါက် လာဖို့လိုအပ်တယ်။ ဒါ့အပြင် အမျိုးသမီးတွေ ငြိမ်းချမ်းရေးမှာ နိုင်ငံရေးမှာ အများအပြား ပါ၀င် လာနိုင်ဖို့လမ်းဖွင့်ပေးဖို့လိုအပ်ပါတယ်”- ဟု သျှမ်းပြည်အရှေ့ ပိုင်း မှ ပါ၀င်တက်ရောက် ဆွေးနွေးသည့်နန်းဝိုးဖတ်ကပြောသည်။

အမျိုးသမီးနှင့် ငြိမ်းချမ်းရေး၊ အမျိုးသမီးနှင့်လုံခြုံရေး၊ အမျိုးသမီးကူညီစောင့်ရှောက်ရေးအစ ရှိခေါင်းစဉ် များအားဆွေးနွေးခဲ့ပြီး ပါ၀င်ဆွေးနွေးသူများမှာ သျှမ်း၊ ပအိုဝ်း၊ ဓနု အမျိုးသမီး ကိုယ်စားလှယ်များ ပါ၀င်ကြောင်းသိရသည်။