ရေကြီးရေလျှံမှု ဖြစ်ပေါ်နေသည့် အင်းလေးဒေသမှ ရေများအလုံးစုံပြန်ကျနိုင်ရန်အတွက် မိုးဗြဲရေကာတာကို ဖွင့်ချလိုက်သောကြောင့် ကရင်နီ (ကယား)ပြည်တွင် ရေကြီးရေလျှံမှု ထပ်မံဖြစ်ပေါ်နေကြောင်း သိရသည်။
ယနေ့ (စက်တင်ဘာလ ၁၆ ရက်) နံနက်ပိုင်းတွင် သျှမ်း-ကရင်နီ (ကယား) ပြည်နယ်စပ်ဒေသရှိ မိုးဗြဲရေကာတာထပ်မံ ဖွင့်ချလိုက်သောကြောင့် ဘီလူးချောင်းတစ်လျှောက်နှင့် လွိုင်ကော်မြို့ပေါ်တွင် ရေးကြီးရေလျှံမှု ထပ်မံဖြစ်ပေါ်နေသည်ဟု ဒေသခံအမျိုးသားတစ်ဦးက ပြောသည်။
“အခုမိုးဗြဲရေကာတာကို ဖောက်ချလိုက်ပြီ။ ရေကာကရင်နီဘက်ကို ပိုကြီးလာတယ်။ တောင်ကြီး၊ ညောင်ရွှေဘက်ကရော၊ ဖယ်ခုံ၊ မိုးဗြဲဘက်ရေတွေက အကုန်မြေနိမ့်ပိုင်းဖက်က စပါးခင်းတွေ၊ နေအိမ်တွေ ထပ်မြှုပ်တယ်” ဟု ၎င်းကပြောသည်။
လက်ရှိ မိုးဗြဲရေကာအောက်ပိုင်းမှ ကျေးရွာအပါအဝင် လွိုင်ကော်မြိုပေါ်မှ ရပ်ကွက်ပေါင်း (၁၀) ကျော် ထပ်မံရေဘေးသင့်နေသည်ဟု သိရသည်။
“ဒါက စစ်ဘေးသင့်တဲ့ဒေသကို ရေးဘေးဒဏ်ပိုသင့်အောင် ဒုက္ခပိုရောက်အောင်လုပ်တယ်လို့ပဲယူဆတယ်။ ကရင်နီဒေသနဲ့ သျှမ်းတောင် စစ်ဇုန်ဒေသတွေမှာ ဒီထက်ပိုပြီး တော်လှန်ရေးတပ်ပေါင်းစုတွေ၊ စစ်ဘေးရှောင် ပြည်သူလူထုအတွက် ဒီထက်စားနပ်ရိက္ခာခက်ခဲမှု မဖြစ်မနေကြုံတွေ့လာမှာတော့ သေချာတယ်” ဟု ၎င်း ဒေသခံတစ်ဦးက ထပ်လောင်းပြောသည်။
ပြီးခဲ့သည့် စက်တင်ဘာလ ၉ ရက်မှစ၍ ကရင်နီပြည်အတွင်း ရေကြီးရေလျှံခြင်းနှင့် မြေပြိုခြင်းများ နေရာဒေသ အနှံ့ဆက်တိုက်ဖြစ်ပေါ်မှုကြောင့် လူ (၃) ဦးသေဆုံးပြီး ယာယီရွှေ့ပြောင်းနေထိုင်သည့် အိမ်ထောင်စု (၅၇၄၇) စု ရှိခဲ့သည်ဟု ကရင်နီပြည်ကြားကာလအုပ်ချုပ်ရေးကောင်စီ IEC က ထုတ်ပြ
