သျှမ်းပြည် တောင်ပိုင်း ဆီဆိုင်မြို့နယ်ရှိ နောင်မွန်အဝင်အထွက်စစ်ဆေးဂိတ်တွင် ပအိုဝ်းပြည်သူ့စစ် (PNO) က ငွေအဆမတန် ကောက်ခံနေကြောင်း သတင်းရရှိသည်။
သျှမ်းပြည် ဆီဆိုင်မြို့နယ် နောင်မွန်မြို့ အဝင်အထွက် ဂိတ် နှင့် ဟိုပုံးမြို့ အနီးရှိ ၃ မိုင် PNO စစ်ဆေးရေး ဂိတ်တွင် သွားလာနေသော ယာဉ်များကို ဂိတ်ကြေးဟုဆိုကာ ငွေအဆမတန် တောင်းခံနေကြောင်း အသက် ၄၀ ဝန်းကျင် ဒေသခံအမျိုးသားတစ်ဦးက သျှမ်းသံတော်ဆင့်ကို ပြောသည်၊
“ဟိုပုံး ၃ မိုင်နားလည်းရှိတယ်။ နောင်မွန်းနားက ပြည်သူ့စစ်စောင့်ပြီး ကောက်နေတာ။အဲ့ ဘက်လမ်းတွေက အမြဲရှိတယ်။ PNO ပဲတို့စောင့်တာ။ကားတွေက ကျပ် ၃ သိန်းကနေ ကျပ် ၅ သိန်းထိကောက်တာရှိတယ်။ ကားဖြစ်ဖြစ် ဆိုင်ကယ်ဖြစ်ဖြစ် သူတို့တွေက လူကိုကြည့်ပြီးကောက်တယ်။”ဟု အသက် ၄၀ ဝန်းကျင်ဒေသခံအမျိုးသား တစ်ဦးက ပြောသည်။
အဆိုပါ PNO စောင့်သည့် စစ်ဆေးရေးဂိတ်တွင်စောင့်ပြီး ဆက်ကြေးများကောက်မှုကြောင့် ဒေသခံများတွက် အခက်အခဲများဖြစ်နေပြီး ပွဲများရှိလျှင် ဂိတ်ပိုဖြတ်သန်းသွားလာပါက စစ်ဆေးမှုများတင်ကြပ် ကြောင်းသိရသည်။
ထို ငွေမကြာခဏကောက်ခံမှုများကြောင့် ပြည်သူများအနေဖြင့် ငွေရေးကြေးရေး အခက်အခဲအပြင် ခရီသွားရာတွင်လည်း အခက်အခဲများကြုံတွေ့စေကြောင်း သိရသည်။
ထို့အပြင် စစ်တပ်အာဏာသိမ်းပြီး သုံးနှစ်ကျော် ကာလအတွင်း သျှမ်းပြည်တစ်ဝှမ်းလုံးရှိ ပြည်ထောင်စု ကားလမ်းမပေါ်တွင် စစ်ကောင်စီတပ်ဖွဲ့မှ စစ်ဆေးရေး ဂိတ်တိုးချဲ့ ဆောက်လုပ်ပြီး ခရီးသွား ပြည်သူများကို ငွေအဆမတန် တောင်းခံနေလျက်ရှိကြောင်း သိရသည်
Leave a Comments