သျှမ်းပြည်နယ်တောင်ပိုင်း၊ ညောင်ရွှေမြို့နယ် အင်းလေးဖောင်တောင်ဦးဘုရာပွဲပြုလုပ်ရာတွင် ပအိုဝ်းပြည်သူ့စစ် (PNO)မှ ဒေသခံများကို ကင်းစောင့်ခိုင်းမည်ဟု သတင်းရရှိသည်။
နိုင်ငံရေးအခြေနေများကြောင့် ဖောင်တော်ဦးဘုရားပွဲပြုလုပ်ရန် အတည်ပြုချက်မရခဲ့သော်လည်းယခု ဒုတိယအကြိမ်အစည်းဝေးတွင် စစ်ကောင်စီအမိန့်ဖြင့် ပြုလုပ်သွားရန်ရှိပြီး PNO မှ တာဝန်ယူဆောင်ရွက်ရန်ရှိကာ ဒေသခံများကို လုံခြုံရေးအတွက် ကင်းစောင့်ခိုင်းမည်ဟု သတင်းများ ထွက်ပေါ်နေသည်။
ထိုသို့ဘုရားပွဲပြုလုပ်ရာတွင် ငွေကောက်ခံသွားမည်ဖြစ်တာကြောင့် ဒေသခံများအတွက် ငွေကြေးအခက်ခဲရှိကာ သွားရေးလာရေးကပါ ခက်ခဲလာကြောင်း သိရသည်။
“အင်းလေးထဲ ရေတွေတက်နေတာ ဒီအချိန် သွားရေးလာရေးကလည်း အရမ်းခက်တယ်။ အခြေခံစားဝတ်နေရေးအတွက် လည်း ခက်ခဲနေကြတယ်။ ဒါပေမဲ့ သာသနာ အကြောင်းပြပြီး လုပ်နေကြတော့ မတတ်နိုင်ဘူးပေါ့။PNOကလည်း မနှစ်ကလိုမျိုး ဒေသခံတွေ ကင်းစောင့်ခိုင်းအုံးမယ်လည်း ကြားတယ်။ “ဟု အင်းလေးဒေသခံတစ်ဦးက ပြောသည်။
စစ်ကောင်စီမှ အစည်းဝေးတွင် ဆုံးဖြတ်ချက်ပြီးနောက် (PNO) ပြည်သူ့စစ်များ အင်းလေးဒေသသို့ ယခင်ထက်ပိုမို ဝင်ရောက်လာပြီး နေရာ ယူလာကြကြောင်းသိရသည်။
ဘုရားပွဲပြုလုပ်လျှင် ခရီးသွားလာသူများကို အားထားကာ စားဝတ်နေရေးအတွက် ရုန်းကန်နေရသည့် ဒေသခံများအတွက် ပိုအဆင်ပြေနိုင်ဖွယ်ရှိကြောင်းနှင့် စစ်ကောင်စီအသိုင်းဝိုင်းနှင့် ဆက်နွယ်သည့် ဟိုတယ်များမှာလည်း ပို၍ ဝင်ငွေရရှိလာနိုင်ကြောင်း သိရသည်။
“ ဒေသခံတွေ အတွက်တော့ ပိုကောင်းသွားတာပေါ့လေ။ ခရီးသွားများရင်တော့ သူတို့ စားဝတ်နေရေးအတွက် ရှာရအဆင်ပြေတာပေါ့။ စစ်ကောင်စီနဲ့ ဆက်စပ်တဲ့ ဟိုတယ်တွေလည်း ဝင်ငွေတွေ ရရှိမှာပေါ့”ဟု ဒေသခံ အမျိုးသား တစ်ဦးက သျှမ်းသံတော်ဆင့်ကို ပြောသည်။
ထို့အပြင် ယခင်နှစ်များတွင် ဖောင်တော်ဦးဘုရားပွဲတွင် အင်းလေးရိုးရားဝတ်စုံထက် PNO မှ စီစဉ် ပအိုဝ်းဝတ်စုံကိုသာ အများဆုံးမြင်တွေ့ရတာကြောင့် လူမျိုးရေးအရ ကြီးစိုးမှုပါ တွေ့နေရကြောင်း ၎င်းအမျိုးသားက ဆိုသည်။
အင်းလေးဖော်တော်ဦး ဘုရားပွဲကို နှစ်စဉ်နှစ်တိုင်း သတင်းကျွတ်လဆန်းတစ်ရက်နေ့တွင် ပြုလုပ်ကျင်းပလေ့ရှိပြီး အနယ်နယ်အရပ်ရပ်မှ ခရီးသွားများ ကစိတ်ဝင်စားပြီး စည်စည်ကားကားဖြင့်ကျင်းပခဲ့ကြသည်။
အလုပ်သင် သတင်းထောက် နန်းလရောင် ရေးသားသည်။
Leave a Comments