သျှမ်းပြည်တောင်ပိုင်း၊ ရွာငံမြို့နယ် မြိုင်ကျေးရွာရှိ ရွာငံ-အောင်ပန်း လမ်းပေါ် ရေကြီးမှုကြောင့် ခရီးသွားများနှင့် ဒေသခံ ပြည်သူများ သွားလာရန်ခက်ခဲနေကြောင်း စုံစမ်းသိရသည်။
ယနေ့ (သြဂုတ်လ ၁၂) ရက်တွင် မိုးများ အဆက်မပြတ်ရွာသွန်းနေမှုကြောင့် ရေတက်ရခြင်းဖြစ်ပြီး ရေစီးသန်သောကြောင့် လမ်းဖြတ်ကူးရန် ခက်ခဲနေသဖြင့် ပိတ်မိနေကြသည်။
” ဒီနေ့မှဖြစ်ဖူးတာ။ရေကြီးတာဆို တခါမှမကြားဖူးဘူး။ မိုးကလည်း ရွာနေတာ ဆယ်ရက်လောက်ရှိတော့မယ်။ မိုးအရမ်းရွာလို့ ရေတက်လာဖြစ်မယ်။ အဲဒီ လမ်းအပေါ်ဘက်မှာ ရေထွက် ရှိတယ်။”ဟု မြိုင်ဒေသခံတစ်ဦးက သျှမ်းသံတော်ဆင့်ကိုပြောသည်။
အဆိုပါ လမ်းသည် ရွာငံ -အောင်ပန်းလမ်းတွင်မက တောင်ကြီးနှင့် မန္တလေး သို့သွားလာနေရသည့် အဓိက လမ်းဖြစ်သည်။
“တောင်ကြီးကိုသွားမလို့ မန္တလေးကနေ တက်လာတာ ။အဲဒါ ရေတက်နေတော့ ဆက်သွားမရဘူး။ ရေကျအောင်စောင့်ရမှာလား။ လှည့်ပြန်ရမလား မသိတော့ဘူး။ တော်တောိအဆင်မပြေဖြစ်ရတယ်။”ဟု ခရီးသွားတစ်ဦးကဆိုသည်။
ယခုကဲ့သို့ ရေကြီးမှုမျိုးသည် ပထမဦးဆုံး ဖြစ်ကြောင်းသိရသည်။
အလုပ်သင် သတင်းထောက် နန်းလရောင် ရေးသားသည်။
Leave a Comments