သျှမ်းပြည်နယ် တောင်ပိုင်း၊ ရပ်စောက်မြို့နယ် ကျောက်ဂူ ကျေးရွာအတွင်း စစ်ကောင်စီ တပ်နှင့် ဓနုပြည်သူ့လွတ်မြောက်ရေး တပ်ဦး (DPLF/DPLA)တို့ တိုက်ပွဲ ဖြစ်ပွားခဲ့ပြီး စစ်ကောင်စီဘက်မှ စစ်သုံ့ပန်း (၈)ဦး ဖမ်းဆီးရမိကြောင်း သိရသည်။
သြဂုတ်လ ၈ ရက် နံနက် ၁၁နာရီဝန်ကျင်တွင် စစ်ကောင်စီတပ်မှ DPLA /DPLF တပ်များရှိရာ ကျောက်ဂူရွာဖက်သို့ စတင်ထိုးစစ်ဆင်တိုက်ခိုက်ခဲ့ပြီး ညနေ ၅နာရီဝန်းကျင်၌ စစ်ကောင်စီဘက်မှ လေကြောင်းဖြင့် တိုက်ခိုက်ခဲ့ကြောင်း DPLF က ထုတ်ပြန်ထားသည်။
” လေကြောင်းနဲ့ တစ်ကြိမ်တိုက်ခိုက်တယ်။ ထိခိုက်ဒဏ်ရာ ရတာမျိုးတော့ မရှိဘူး။ အခုတိုက်ပွဲ အတွင်းမှာလဲ ကျနော်တို့ဖက်က အကုန်ဘေးကင်းပါတယ်” ဟု DPLF ပြောရေးဆိုခွင့်ရှိသူ တစ်ဦးက သျှမ်းသံတော်ဆင့်ကိုပြောသည်။
ထိုသို့တိုက်ပွဲ ဖြစ်ပွားခဲ့ပြီး စစ်ကောင်စီဘက်မှ ၉ ဦးသေဆုံးကာ လက်နက် (၁၉)လက် သိမ်းဆည်းရမိခဲ့ကြောင်း သိရသည်။
Leave a Comments