သျှမ်းပြည် သီပေါမြို့နယ်တွင် စစ်ကောင်စီမှ လေကြောင့်ဖြင့် ဗုံးကြဲချပြီး နှစ်ဦး သေဆုံးကာ၊ တစ်ဦး ဒဏ်ရာ ပြင်းထန်းခဲ့ကြောင်း သိရသည်။
ယမန်နေ့ (သြဂုတ်လ ၆ ရက်)တွင် ညနေ ၄ နာရီဝန်းကျင်တွင် သီပေါမြို့နယ် နောင်ကော်ကြီးကျေးရွာရှိ ရေလယ်ဘုရားကျောင်းကို စစ်ကောင်စီမှ လေကြောင်း ဗုံးကြဲချခဲ့ပြီး၊ ဦးဇင်းတစ်ပါး နှင့် အမျိုးသမီးတစ်ဦး သေဆုံးခဲ့ကာ သံဃာတော်တစ်ပါး ဒဏ်ရာပြင်းထန်ခဲ့ကြောင်း အသက် ၃၀ ဝန်းကျင် ဒေသခံအမျိုးသားတစ်ဦးက သျှမ်းသံတော်ဆင့်ကိုပြောသည်။
“ဗုံးစထိထားတဲ့ တစ်ယောက်က ဒဏ်ရာ ပြင်းထန်တယ်။ ခုကနမ့်လန်ကို ပို့ထားရတယ်။ ပြီးတော့ ၂ ယောက်သေတယ်။ ကိုးကန့်နဲ့ စစ်ကောင်စီက အဲ့နားမှာ တိုက်ပွဲတွေ ဖြစ်နေတယ်။တချို့တွေ ကလည်းပြေနေကြတာ။”ဟု အသက် ၃၀ ဝန်းကျင် ဒေသခံအမျိုးသားတစ်ဦးက ပြောသည်။
ထို နောင်ကော်ကြီးကျေးရွာ အနီးတွင် ဇူလိုင်လ ၂၈ ရက်နေ့မှစတင်ပြီ အရှေ့မြောက်ပိုင်းတိုင်စစ်ဌာနချုပ် လက်အောက်ခံ စစ်ကောင်စီ၏ အမှတ် (၁၄၇) ခြေလျင်တပ်ရင်းနှင့် ကိုးကန့်တပ်ဖွဲ့ MNDAA တို့ တိုက်ပွဲဖြစ်ပွားနေပြီး နှစ်ဘက် သေဆုံးမှုများကြောင်း သိရသည်။
လက်ရှိ နောင်ကော်ကြီးကျေးရွာရှိ ဒေသခံများသည် နာကန်ကျေးရွာ၊ ပန်ညိုကျေးရွာ၊ ခုတ်နမ့်ကျေးရွာ၊ ကုန်မုံကျေးရွာနှင့် ကောင်ဟိုင်းကျေးရွာသို့ ထွက်ပြေးတိမ်းရှောင်သွားကြောင်းသိရသည်။
အဆိုပါ နောင်ကော်ကြီးကျေးရွာသည် သီပေါမြို့ နှင့် နမ့်လန် ကားလမ်းပေါ်တွင်တည်ရှိသည်။
Leave a Comments