သျှမ်းပြည် မြောက်ပိုင်း သီပေါမြို့နယ် ဆောင်ကြဲကျေးရွာတွင် စစ်ဘေးရှာင် တစ်ဦး၏ ကား ယမန်နေ့ (ဇူလိုင် ၂၁)ရက် ညတွင် ခိုးခံလိုက်ရကြောင်း စုံစမ်းသိရသည်။

အဆိုပါ ကားသမားသည် လက်ရှိ စစ်ရေးပြင်းထန်နေသည့် လားရှိုးမြို့မှ ထွက်ပြေးတိမ်းရှောင်လာပြီး ဆောင်ကြဲကျေးရွာသို့ ကားခေတ္တရပ်ဆိုင်းနေစဉ် ယမန်နေ့ (ဇူလိုင် ၂၁)ရက် ကားမှန်ဖောက်ခွဲပြီး အခိုးခံလိုက်ရကြောင်း ကားပိုင်ရှင် ကိုစိုင်းက သျှမ်းသံတော်ဆင့်ကိုပြောသည်။

“ကျနော်တို့ လားရှိုးက နေစစ်ရှောင်လာတာ။ ကျနော်ရဲ့ အမျိုးသမီးမောင်းလာတာပါ။ သူက ခရီးဆက်မမောင်းနိုင်တော့ ဆောင်ကြဲမှာ ခဏ ထားထားတာ။ ဆောင်ကြဲမှာလည်း တိုက်ပွဲတွေဖြစ်နေတယ် အခြေအနေမကောင်းဘူး။ မနေ့က ကားမှန်ကို ရိုက်ခွဲပြီး ခိုးသွားတာ” ဟု ကားပိုင်ရှင် ကိုစိုင်း ကဆိုသည်။

အဆိုပါခိုးခံရသည့် ကားသည် Land Cruiser Prado အမျိုးအစား ဖြစ်ပြီး SHN -38 (1D-72667) ဖြစ်ကြောင်းသိရသည်။

“ဒီနေ့မနက်အဝေးကြီးမသွားနိုင်သေးပါဘူးထင်တယ်ဗျ လမ်းသွား၊ လမ်းလာ ကားဆရာများဂိတ်များတွေ့ရှိရင်အကြောင်းကြားပေးပါခဗျာ” ဟု ၎င်း၏ လူမှုကွန်ရက်စာမျက်နှာတွ င်ရေးသားထားသည်။

ပျောက်ဆုံးသွားသည့်ကားကို တွေ့ရှိပါက ဆက်သွယ်ရန် 09687377771 / 09978266800 လည်းရေးသားထားသည်။

သီပေါမြို့နယ် ဆောင်ကြဲကျေးရွာအတွင်း MNDAA ထိန်းချုပ်နေရာယူထားကြောင်း ဆောင်ကြဲဒေသခံများပြောပြချက်အရသိရသည်။