သျှမ်းပြည်နယ်တောင်ပိုင်း၊ ပင်လောင်းမြို့နယ်၊ သစ်ပင်ကောက်ရွာတွင် ပြောင်းခြံထဲ ဆေးဖြန်းနေသူ နှစ်ဦးကို ပအိုဝ်းပြည်သူ့စစ် (PNO) က သေနတ်ဖြင့်ပစ်ခတ်လိုက်သဖြင့် ပြင်းထန်ဒဏ်ရာရရှိခဲ့ကြောင်း သတင်းရရှိသည်။
ဇူလိုင် ၁၇ ရက်တွင် PNO မှ ပစ်ခတ်လိုက်ပြီး ပြင်းထန် ဒဏ်ရာရရှိသူများမှာ ခွန်ရန်ကင်းနှင့် ခွန်စိုးမြင်းထက်တို့ဖြစ်ကြပြီး နှစ်ဦးစလုံးသေနတ်ထိမှန်ပြီး အသက်အန္တရာယ် စိုးရိမ်နေရကြောင်း သိရသည်။
“PNOကရောက်လာပြီး ရွာ တောင်က်ဘ ချောင်းနာမှာ ဆေးဖြန်းနေတဲ့ လူလေးယောက်ကို ရမ်းပစ်လိုက်တာ နှစ်ယောက်ထိသွားတယ်။ ဘာကောင်မှ မရှိတဲ့ ကျနော်တို့ရွာကိုလာပြီး သေနတ်ဝင်ဖောက်တာ PNO တော်တော်များနေပြီ”ဟု သစ်ပင်ကောက်ရွာခံတစ်ဦးက သျှမ်းသံတော်ဆင့်ကိုပြောသည်။
ထိုသေနတ်ကျည်ထိမှန်သူတစ်ဦးသည် ပခုံးတွင် ဒဏ်ရာရရှိပြီး၊ နောက်တစ်ဦးမှဦ ပါးစပ်မှ နောက်ဖက်ထိ ကျည်ဖောက်ထွက်သွားသဖြင့် စိုးရိမ်နေရသည့် အနေအထားရှိကြောင်း သိရသည်။
လက်ရှိမှာ ကျည်ထိမှန်သူ နှစ်ဦးကို အောင်ပန်းမြို့ စစ်ဆေရုံသို့ ပို့ဆောင်ပြီး အရေးပေါ် ဆေးကုသနေကြောင်း သိရသည်။
” အဲ့ အရပ်သားတွေကို ရမ်းသမ်းပစ်ပြီးနောက် လူအိပ်ချိန်မှာလည်း သူတို့ (PNO) က သစ်ပင်ကောက်ရွာထဲကို လက်နက်ကြီး ၅လုံးထက် မနည်း ပစ်ထည့်ခဲ့သေးတယ်။ လူထိတာ အိမ်ထိခိုက်တာ မရှိလို့တော်သေးတယ်” ဟု ၎င်းက ဆိုသည်။
သစ်ပင်ကောက်ကျေးရွာသည် စံကားအင်းအနောက်ဖက်တွင်ရှိပြီး တိုက်ပွဲဖြစ်ပွားမည်ကို ရွာခံနှင့် စစ်ဘေးရှောင်များက စိုးရိမ်နေကြရကြောင်း သိရသည်။
Leave a Comments