သျှမ်းပြည် သီပေါမြို့နယ်ရှိ ဆိုင်ကျော့ ကျေးရွာအုပ်စုရှိ စစ်ကောင်စီ၏ ခြေလျင်တပ်ရင်း ခလရ ၂၃ စခန်းကို ကိုးကန့်တပ်ဖွဲ့ MNDAA မှ ဝင်ရောက်ပစ်ခတ် သိမ်းယူ ခဲ့ကြောင်း သတင်းရရှိသည်။
သျှမ်းပြည် မြောက်ပိုင်း သီပေါမြို့နယ် ဆိုင်ကျော့ ကျေးရွာအုပ်စုရှိ ခလရ ၂၃ စစ်ကောင်စီတပ် စခန်းကို ယနေ့ (ဇူလိုင်လ ၁၅ )ရက် ညနေပိုင်းတွင် ကိုးကန့်တပ်ဖွင့် MNDAA မှ ဝင်ရောက်ပစ်ခက် သိမ်းပိုက်ခဲ့ကြောင်း စစ်ရေးသတင်းအရင်းမြစ်တစ်ဦးက သျှမ်းသံတော်ဆင့်ကို ပြောသည်။
“ဒီနေ့ ညပဲ စစ်ကောင်စီတပ်ကို ကိုးကန့်တပ်တွေက ဝင်သိမ်းလိုက်တာ။ဆိုင်ကျော့ ပြည်သူ့ စစ်ရှိတဲ့ နယ်မြေအနီး တဝိုက်မှာရှိတဲ့ စစ်ကောင်စီတပ်ပေါ့။နာရီဝက်လောက်ပဲ ကြာတာသူတို့ ဝင်သိမ်းတာ။သူတို့လည်း စာတွေပဲ ထွက်တာပါ။”ဟု စစ်ရေးသတင်းအရင်းမြစ်တစ်ဦးက ပြောသည်။
ထို သီပေါမြို့နယ်တွင်းတိုက်ပွဲဖြစ်ပွားသည့်နေရာများသည် စစ်ကောင်စီတပ်၊ကိုးကန့်တပ်ဖွဲ့ MNDAA နှင့် ရှမ်းပြည်တိုးတက်ရေးပါတီ/ ရှမ်းပြည်တပ်မတော် SSPP/SSAတို့ သွားလာလှုပ်ရှားနေသည့်နေရာဖြစ်သည်။
သျှမ်းမြောက် ဒေသတွင် ယာယီ အပစ်အခတ် ရပ်စဲမည်ဟု လားရှိုးမြို့ကို ထိုးစစ်ဆင်နေသည့် ကိုးကန့်တပ် MNDAA က ယနေ့ (ဇူလိုင်လ ၁၄ ရက်) ညနေပိုင်းတွင် ထုတ်ပြန်သည်။
“၁၀၂၇” စစ်ဆင်ရေး ပထမပိုင်း ကာလက ကိုးကန့်တပ် MNDAA သည် သျှမ်းမြောက်ရှိ ချင်းရွှေဟော်၊ လောက်ကိုင်၊ ကုန်းကြမ်း၊ ဖောင်းဆိုင်၊ မုန်းကိုး၊ ပန်ဆိုင်း၊ ကွမ်းလုံ နှင့် သိန္နီမြို့များကို သိမ်းပိုက်ခဲ့ပြီး ယခု လားရှိုးမြို့ကို အကြီးအကျယ် ထိုးစစ်ဆင်နေစဥ် လောက်ကိုင်မြို့ ဗုံးကြဲခံခဲ့ရခြင်း ဖြစ်သည်။
Leave a Comments