သျှမ်ပြည်တောင်ပိုင်း ပင်လောင်းမြို့နယ် လင်ခံကျေးရွာတွင် စစ်ကောင်စီ လက်နက်ကြီး ပစ်ခတ်မှုကြောင့် ဒဏ်ရာရရှိခဲ့သည့် မိသားစုဝင်၄ဦးသည် ဆေးကုသနေစဉ် အငယ်ဆုံးသမီးဖြစ်သူ သေဆုံးသွားခဲ့ကြောင်းသိရသသည်။
ပြီးခဲ့သည့် ဇွန် ၂၀ရက် ညအချိန်တွင် ပင်လောင်းမြို့နယ် လင်ခံကျေးရွာ အတွင်းသို့ စစ်ကောင်စီ၏ ဆောင်းပြောင်းတပ်စခန်းမှ ပစ်လိုက်သည့် လက်နက်ကြီးကြောင့် မလပြည့်ဝန်းတို့ နေသောတဲအိမ်ပေါ်ကျပြီးနောက် တစ်မိသားစုလုံး ထိခိုက်ဒဏ်ရာရရှိခဲ့ကြောင်သိရသည်။
ထိုထဲအနက် အသက် ၁နှစ် ၈လ အရွယ်သာရှိသေးသည့် မလပြည့်ဝန်းသည် ယမန်နေ့ (ဇွန် ၂၂)ရက်တွင် ဆေးကုသနေစဥ် သေဆုံးခဲ့ကြောင်း လင်ခံကျေးရွာမှ ဒေသခံအမျိုးသားတစ်ဦးက သျှမ်းသံတော်ဆင့်ကိုပြောသည်။
“ရွာထဲ လက်နက်ကြီးကျလို့ လင်ခံ၊နမ်းဖာမူ ရွာသားတွေ ဆောက်ထားတဲ့ ဟေားဘေးမှာ သူတို့က တဲအိမ်လေးဆောက်ပြီးနေနေတာ ။လက်နက်ကြီးကျတော့ သူတို့တဲအိမ်ပေါ် တည့်တည်ကျတာ။မိသားစုလေးဦးစလုံးဒဏ်ရာရသွားတယ်။ခုကလေးငယ်က သေဆုံးသွားတော့ စိတ်မကောင်းအရမ်းဖြစ်ရတယ်”ဟု လင်ခံရွာခံတစ်ဦးက သျှမ်းသံတောင်ဆင့်ကိုပြောသည်။
သေဆုံးသော မလပြည့်ဝန်းအတွက် မိဘများဆန္ဒအရ တရားနာပေးခြင်း၊အမျှဝေပေးခြင်း ၊အလှူများ လုပ်ပေးပြီးနောက် ဘာသာတူ သုသာန်တစ်ခုတွင် မြေမြုပ်သဂြိုလ်ပေးခဲ့ကြောင်းသိရသည်။
“ရွာကပြန်လို့မရဘူးလေ ။အဲတာကြောင့် တစ်ခြားရွာမှာဘဲ အသုပွဲလုပ်ရတာ။အဲရွာကလည်း သဘောအရမ်းကောင်းကြပြီးလုပ်ခွင့်ပေးတယ်။ကလေးငယ်ပွဲအတွက် လိုအပ်တာတွေအကုန်ကူညီပေးတယ်။”ဟု အသက် ၄၀အရွယ်ရှိ ဒေသခံ အမျိုးသားတစ်ဦးက ထပ်လောင်းပြောသည်။
လင်ခံကျေးရွာသည် သျှမ်းတိုင်ရင်းသားအများစုနေထိုင်ကြပြီး နေအိမ်၁၀၀ကျော်ရှိကာ ယခုလက်နက်ကြီးကျရောက်ပြီး သေဆုံးမှုသည် ပထမဆုံးဖြစ်ကြောင်းသိရသည်။
ပင်လောင်းမြို့တောင်ဖက် ယခုတွင် ကရင်နီတော်လှန်ရေးတပ်နှင့် စစ်ကောင်စီအပါအဝင် PNOပြည်သူ့စစ်တို့အကြား တိုက်ပွဲပြင်းထန်နေကြောင်းသိရသည်။
Leave a Comments