တအာင်း(ပလောင်)အမျိုးသားလွတ်မြောက်ရေးတပ်မတော် (TNLA) ထိန်းချုပ်ဒေသများကို စစ်ကောင်စီမှ လမ်းပိတ်ထားကြောင်း ကုန်စည်ပို့ဆောင်ရန် ခက်ခဲသည်ဟု စုံစမ်းသိရသည်။
သျှမ်းပြည်မြောက်ပိုင်း ကွတ်ခိုင်မြို့တွင် ကုန်ပစ္စည်းများ ၊ အသီးအနှံတွေနဲ့ စီးပွားရေးလုပ်ကိုင်သူများသည် နမ္မတူမြို့ဖက်ကို အဓိက ပို့ဆောင်ဖြစ်ရာဖြစ်ပြီး စစ်ကောင်စီမှ လမ်းပိတ်ထားခြင်းကြောင့် သွားလာရာ ခက်ခဲသည်ဟု ကွတ်ခိုင်-နမ္မတူ ယာဥ်မောင်းသူ က သျှမ်းသံတော်ဆင့်ကိုပြောသည်။
‘’ကွတ်ခိုင်မှာ စစ်ပွဲတွေ ဖြစ်ပြီးတဲ့နောက် စစ်ကောင်စီက လားရှိုးအဝင်ကိုပိတ်ထားတော့ နမ္မတူဘက်သွားရင် လားရှိုးကိုဖြတ်ရတယ်လေ။ ဒါကြောင့် မတက်နိုင်တော့ တောလမ်း ဖြတ်လမ်းကနေ ခက်ခက်ခဲခဲ သွားရတယ် ‘’ဟု ၎င်းကပြောသည်။
စစ်ကောင်စီဘက်မှ ကားလမ်းများကို ဖြတ်တောက်ထားသဖြင့် ကားသမားများလည်း တောလမ်း ဖြတ်လမ်းကို အသုံးပြုပြီး ကုန်စည်တင်ပို့နေရသဖြင့် ကုန်စျေးနှုန်းများလည်း တစ်နေ့ထက် တစ်နေ့ပိုမြင့်တက်လာကြောင်း ကွတ်ခိုင်မြို့ဒေသခံ အမျိုးသမီးတစ်ဦးက ပြောသည်။
“လမ်းတွေကလည်း ခက်ခဲတော့ ကားတန်ဆာခက ကုန်စျေးနှုန်းထက်တောင်ပိုပေးရတယ်။ ကားတန်ဆာခ ပိုပေးရတော့ ကျမတို့ စျေးသည်တွေ အရင်းတောင်ပြန်မရဘူး” ဟု ကုန်စျေးရောင်းနေသည့် ကွတ်ခိုင် ဒေသခံအမျိုးသမီးဆိုသည်။
သျှမ်းပြည် မြောက်ပိုင်း “၁၀၂၇ စစ်ဆင်ရေး” ပြီးနောက် TNLA မှ နမ္မတူ၊ ကွတ်ခိုင်၊ နမ့်ခမ်း၊ မိုင်းငေါ့၊ မိုင်းလုံမြို့ တို့ကို သိမ်းပိုက်နေရာယူနိုင်ခဲ့သည်။
ထို့ “၁၀၂၇ စစ်ဆင်ရေး”ကြောင့် မြန်မာ-တရုတ်နယ်စပ် ကုန်သွယ်ရေးလမ်းကြောင်းဖြစ်ကြီးပြတ်တောက်သွားခဲ့ပြီး လက်ရှိမှာ ကားသမားများသည် ကုန်သွယ်စီးဆင်းရန်အတွက် ကွတ်ခိုင်-နမ္မတူ ၊ နမ့်ခမ်း-မန်တုံ တောလမ်းများကို အဓိက အသုံးပြုနေရပြီး၊ ကားလမ်းသည် အလွန်ပင် ခက်ခဲကြောင်း သိရသည်။
အလုပ်သင် သတင်းထောက် နန်းဆိုင်ခမ်း ရေးသားသည်။
Leave a Comments