သျှမ်းပြည်ရှေ့ပိုင်း၊ တာချီလိတ်မြို့ မယ်ယန်းတိုးဂိတ်အနီးတွင် ယနေ့ (မေ ၃၁)ရက် မွန်းတည့်ချိန်တွင် မိုးကောင်းကင် (Express) ကား အရှိန်မထိန်းနိုင်ဘဲ တိမ်မှောက်သွားခဲ့ကြေင်းစုံစမ်းသိရသည်။
ဖြစ်စဉ်မှာ ခရီးသည်ကားသည် တာချီလိတ်မှ ကျိုင်းတုံအသွား မယ်ယန်းတိုးဂိတ်အကျော်တွင် ဆိုင်ကယ်ကို ရှောင်ရာမှအ ရှိန်မထိန်းနိုင်ဘဲ ဖြစ်ပွားခဲ့ ကြောင်း ဦးလှမိုး လူမှုကူညီရေးအသင်းမှ တာဝန်ရှိသူ တစ်ဦးက သျှမ်းသံတော်ဆင့်ကို ပြောသည်။
“ဆိုင်ကယ်ဖြစ်ဖြစ် ကားဖြစ်ဖြစ် ယာဉ်စည်းကမ်း၊ လမ်းစည်းကမ်းမလိုက်နာကြဘူးလေ ဆိုင်ကယ်ဆိုလည်း ကျော်တက်ချင်ကြတာ ကားလည်း ကားကြီးဆိုပြီး မရှိန်မလျော့ဘူး အဲ့တာတွေကြောင့် ယာဉ်တိုက်မှုတွေ ဖြစ်တာပေါ့ ၊ကြားထဲက ခရီးသည်ပဲ ခံရတာ”ဟု တာချီလိတ် ဒေသခံအမျိုးသားတစ်ဦးကပြောသည်။
ထို ယာဥ်တိမ်းမှောက်မှုကြောင့် ကားပေါ်မှ ပါလာသောခရီးသည် အချို့ ထိခိုက် ဒဏ်ရာရပြီး( မစိုးရိမ်ရ) ဆေးရုံသို့ ပို့ထားသည်။
Express ကားများသည် တာချီလိတ် -ကျိုင်းတုံ- တောင်ကြီး- ရန်ကုန်- မန္တလေး-ပြေးဆွဲသည့် ကားများဖြစ်ကြောင်းသိရသည်။
ပြီးခဲ့သည့် မေလ ၂၁ ရက်နေ့တွင်လည်း သျှမ်းပြည်တောင်ပိုင်း ၊ ဟိုပုံးမြို့နယ်တွင် ကားတစ်စီးသည် လမ်းချော်ကာ ချောက်ထဲကျပြီး လူ (၄)ဦး သေဆုံးကြောင်း သိရသည်။
အလုပ်သင် သတင်းထောက် နန်းလောဝ်ငင်း ရေးသားသည်။
Leave a Comments