စစ်ကောင်စီ စစ်ကြောင်းများသည် သျှမ်းပြည်တောင်ပိုင်း ဆီဆိုင်မြို့နယ်မှတဆင့် ကရင်နီပြည် လွိုင်လင်လေးကျေးရွာဘက်သို့ အလုံးအရင်း စစ်ကြောင်း ထိုးနေကြောင်း ကရင်နီ စစ်ရေးသတင်းရင်းမြစ်များထံ စုံစမ်းသိရသည်။
စစ်ကောင်စီ စစ်ကြောင်းများသည့် မေ ၂၅ ရက် ညနေပိုင်းတွင် ကရင်နီ လွိုင်လင်လေးကျေးရွာသို့ ရောက်ရှိလာပြီး ဒေါတနာကျေးရွာဘက်သို့ ထပ်တိုးလာကြောင်း JOBS For Kayah မှ တာဝန်ရှိသူတစ်ဦး ကပြောသည်။
စစ်ကောင်စီ၏ စစ်ကြောင်းအလုံးအရင်း အင်အားဖြည့်မှုကြောင့် သျှမ်းတောင် ဆီဆိုင်မြို့နှင့် ကရင်နီပြည် လွိုင်လင်လေးကျေးရွာတွင် စစ်ရေး ထိတွေ့မှုရှိလာနိုင်သဖြင့် ပြည်သူများ သတိဖြင့်နေထိုင်ကြရန် JOBS For Kayah မှ တာဝန်ရှိသူက ပြောသည်။
“ အခုက အရင်လို မတူတဲ့ အချက်တွေက စစ်ကောင်စီတပ်သားတွေက ဒရုန်း ကောင်းကောင်းပါလာပြီး ကယန်းသာယာ၊ လွိုင်ကော်၊ခင်ဖုံလေး၊ ကုန်းသာတောင်ပေါ် တကြောတွေမှာ အထိုင်ချပြီး လွိုင်ကော်-မိုးဗြဲ ကို စစ်ကောင်စီက ထိန်းချုပ်ချင်တာ” ဟု JOBS for Kayah က တာဝန်ရှိသူ က ဆိုသည်။
လက်ရှိမှာ စစ်ကောင်စီတပ်သားများသည် လက်နက်ကြီး နှင့် ဒရုန်များကို အဆမတန် အသုံးပြုပြီး မြေပြင်စိုးမိုးရေးအတွက် ပြင်ဆင်နေကြောင်းသိရသည်။
စစ်ကောင်စီတပ်သားများသည် လွိုင်ကော်မြို့တွင်း ၌ အရပ်သားဝတ်ဖြင့် လှုပ်ရှားနေပြီး တော်လှန်ရေး တပ်ဖွဲ့၊ စစ်ရေး သတင်းများကို စုဆောင်းနေကြောင်း၊ ပြည်သူများအနေဖြင့် ဂရုစိုက်သွားလာရန်လိုအပ်ကြောင်းလည်း တော်လှန်ရေး တပ်ဖွဲ့ဝင် တစ်ဦးက သျှမ်းသံတော်ဆင့်ကိုပြောသည်။
“ အခုဆိုရင်လွိုင်ကော်မြို့ထဲမှာ ရပ်ကွက် ၊ လူနေအိမ်မှာ စစ်တပ်က ပစ္စည်းဝင်ယူနေတာရှိသလို တဖက်မှာလည်း စစ်ကောင်စီတပ်တွေက လက်နက်ကြီးတွေနဲ့ ပစ်နေတာရှိတယ်။ စစ်ရှောင်တွေ လက်နက်ကြီးရန်ကာကွယ်ဖို့ ပြင်ဆင်ဖို့ သတိပေးချင်တယ်” ဟု တော်လှန်ရေးတပ်သားတစ်ဦးကဆိုပြန်သည်။
ယမန်နေ့ (မေ ၂၉)ရက်တွင်လည်း လွိုင်ကော်-ဒီးမော့ဆို အဝင်အထွဥ် လမ်းများကို စစ်ရေးအခြေအနေ အရ ယာယီပိတ်ထားလိုက်ရကြောင်းသိရသည်။
အလုပ်သင် သတင်းထောက် နန်းဆိုင်ခမ်း ရေးသားသည်။
Leave a Comments