သျှမ်းပြည် ကလောမြိုန့ယ် တွင် တွဲကား ၁၂ ဘီး နှင့် ဆိုင်ကယ် ယာဉ်တိုက်မှုဖြစ်ပွားရာမှ အမျိုးသားတစ်ဦး သေဆုံးခဲ့ကြောင်း သိရသည်။

သျှမ်းပြည် ကလောမြို့နယ် ယမန်နေ့ (မေလ ၂၆) ရက် ည ၇ နာရီခွဲ ဝန်းကျင်တွင် ရေယားကျေးရွာ၊ရွှေရေယား စားသောက်ဆိုင်‌ အနီး၌ တွဲကား ၁၂ ဘီးနှင့် အားလူးကြော်ပို့ဆောင်သည့် ဆိုင်ကယ်သမား တစ်ဦး ယာဉ်တိုက်မှုဖြစ်ပွားရာမှ ဆိုင်ကယ်မောင်းသူ အမျိုးသားသေဆုံးခဲ့ကြောင်း အသက် ၄၀ ဝန်းကျင် အမျိုးသားတစ်ဦးက သျှမ်းသံတော်ဆင့်ကို ပြောသည်။

“ဆိုင်ကယ်သမားကတော့ အောင်ပန်းကိုအပြန်ပေါ့။ ကားကြီးကတော့ အဆင်း မိတ္ထိလာဘက်အဆင်းပေါ့။ ဆိုင်ကယ် နဲ့ အမျိုးသားကတော့ မနေ့ကပဲချက်ချင်း ဆုံးသွားတယ်။ကျနော်တို့ရောက်သွားတဲ့အချိန်ကျတော့ ၉ နာရီဝန်းကျင်လောက်ဖြစ်သွားပြီ။”ဟု ၎င်းပြောသည်။

ထိုပြင်ထန်စွာဒဏ်ရာရရှိသွားသော အမျိုးသားကို ကလောဆေရုံးတွင် ပို့ဆောင်ပြီးနောက် ရရှိထားသော ဒဏ်ရာများကြောင့် ကွယ်လွန်သွားခဲ့ကြောင်း၊ထိုသေဆုံးသွားသည့်အမျိုးသားသည် အသက် ၃၁ ဝန်းကျင် ကိုဇော်နိုင်ဖြစ်ပြီး အောင်ပန်းမြို့ မင်္ဂလာရပ်ကွက် နေထိုင်သူဖြစ်ကြောင်း သိရသည်။

ပြီးခဲ့သည့် မေလ ၁၈ ရက်တွင်လည်း အောင်ပန်းမြို့ ပြည်ထောင်စု လမ်းမကြီးပေါ်တွင် ‌‌ ၁၀ ဘီးကားနှင့် ဆိုင်ကယ် တိုက်မိရာမှ အမျိုးသားတစ်ဦးသေဆုံးခဲ့ကြောင်း သိရသည်။