သျှမ်းတောင်၊ တောင်ကြီးမြို့နယ်နှင့် ကလောမြို့နယ်တို့တွင် ယမန်နေ့ ဒီဇင်ဘာလ ၂၆ ရက်နေ့က ကြိုတင်မဲများ ရေတွက်ရာ ကြံ့ခိုင်ရေးပါတီက မဲထောင်ချီ အပြတ်အသတ် အနိုင်ရရှိကြောင်း သတင်းရင်းမြစ်က သျှမ်းသံတော်ဆင့်သို့ ပြောသည်။

စစ်တပ် ပြုလုပ်သည့် ရွေးကောက်ပွဲ ကြိုတင်မဲများကို ရေတွက်ရာ တောင်ကြီးမြို့နယ်တွင် ပြည်သူ့လွှတ်တော် နေရာ အတွက် ကြံ့ခိုင်ရေး ၂၃၄၄၊ ကျားဖြူ ၁၁၊ PNO ပြည်သူ့စစ် ၁၄ နှင့် ပြည်သူ့ပါတီ ၄ မဲ၊ အမျိုးသား လွှတ်တော် နေရာ အတွက် ကြံ့ခိုင်ရေး ၁၃၃၆၊ ကျားဖြူ ၁၁၊ PNO ပြည်သူ့စစ် ၃၃ နှင့် ပြည်သူ့ပါတီ ၄ မဲ၊ ပြည်နယ် လွှတ်တော် နေရာ အတွက် ကြံ့ခိုင်ရေး ၂၃၂၀၊ ကျားဖြူ ၁၁၊ PNO ပြည်သူ့စစ် ၁၄ နှင့် ပြည်သူ့ပါတီ ၆ မဲ အသီးသီး ရရှိခဲ့ကြောင်း သိရသည်။

အလားတူ ကလောမြို့နယ်အတွက် ကြိုတင်မဲများ ရေတွက်ရာ ပြည်သူ့လွှတ်တော် နေရာ အတွက် ကြံ့ခိုင်ရေး ၂၀၇၈၊ ကျားဖြူ ၈၊ PNO ပြည်သူ့စစ် ၁၉ ၊ ppp ၄ မဲ၊ တောင်သူလယ်သမား ဖွံဖြိုးတိုးတက်ရေးပါတီ ၇ မဲ၊ အမျိုးသား လွှတ်တော် နေရာ အတွက် ကြံ့ခိုင်ရေး ၂၀၇၈၊ ဓနု ၁၆၊ ကျားဖြူ ၄၊ PNO ပြည်သူ့စစ် ၁၂ နှင့် ပြည်သူ့ပါတီ ၄ မဲ၊ ပြည်နယ် လွှတ်တော် နေရာ အတွက် ကြံ့ခိုင်ရေး ၂၀၆၈၊ ဓနု ၂၂၊ ကျားဖြူ ၆၊ PNO ပြည်သူ့စစ် ၁၀ နှင့် PPP ၅ မဲ အသီးသီး ရရှိခဲ့ကြောင်း သိရသည်။

စစ်တပ်နှင့် စစ်ကောင်စီ ဝန်ထမ်း အများစု မဲပေးသည့် ကြိုတင်မဲ ရလဒ်များအရ ကြံ့ခိုင်ရေးပါတီ အပြတ်အသတ် အနိုင်ရရှိနေမှုနှင့် ပတ်သက်၍ “ဒါက မျှော်လင့်ထားပြီးသားပါ။ နောက်ဆုံး ရလဒ်တွေကို စောင့်ကြည့်ပါအုံး။ သျှမ်းတောင် တချို့နေရာတွေ ကျနော်တို့ နိုင်မှာပါ” ဟု ကျားဖြူပါတီ အမတ်လောင်း တဦးက မှတ်ချက်ပြု ပြောသည်။

လက်ရှိ ကြိုတင်မဲ ရလဒ်များအရ တောင်ကြီးမြို့နယ်တွင် အနိုင်ရရန် ရေပန်းစားနေသည့် PNO ပြည်သူ့စစ်နှင့် ကလောမြို့နယ်တွင် အနိုင်ရရန် ကြိုးစားနေသည့် ဓနုပါတီတို့ အခြေမလှ ဖြစ်နေသည်ကိုလည်း တွေ့ရသည်။

အပိုင်း (၃) ပိုင်းခွဲ ကျင်းပမည့် စစ်ကောင်စီ ရွေးကောက်ပွဲ ပထမပိုင်း အတွက် မနက်ဖြန် ဒီဇင်ဘာလ ၂၈ ရက်နေ့တွင် စတင် မဲပေးရမည် ဖြစ်သည်။