ကချင်လွတ်လပ်ရေးတပ်မတော် KIA ၏ စစ်ဦးစီးချုပ် ဒုဗိုလ်ချုပ်ကြီးခေါင်လွမ်းသည် အသည်းရောဂါ ဝေဒသနာဖြင့် သေဆုံးခြင်းမဟုတ်ဘဲ စစ်ကောင်စီပစ်ခတ်သည့် လက်နက်ကြီးထိမှန်သေဆုံးခြင်းဖြစ်ကြောင်း ဖြန့်ချိနေသည်။

စစ်ကောင်စီဝါဒဖြန့် တယ်လီဂရမ်ချယ်နယ်အကောင့်တစ်ခုဖြစ်သည့် မှိင်းဝေအကောင့်မှ “ မိုးမောက်မြို့ကို KIA စစ်ဦးစီးချုပ် ခေါင်လွမ်းဦးစီးပြီး တိုက်ခိုက်စဉ် စစ်ကောင်စီပစ်ခတ်လိုက်သော လက်နက်ကြီးကျည်ကြောင့် အခြားတော်လှန်ရေး ရဲဘော်များထိမည်ကိုစိုးရိမ်၍ အဆိုပါလက်နက်ကြီးကျည်အား ခေါင်းလွမ်းမှ အသေခံ…” ဟုဆိုကာ လုပ်ကြံဖန်တီးရေးသားဖြန့်ချိခဲ့သည်။

ထိုဝါဒဖြန့်ပိုစ့်ကို ကြည့်ရှု့သူပေါင်း ၃ သောင်း ၄ ထောင်ကျော်ရှိသည်။

မူရင်းလင့်ခ် – https://archive.ph/n2ydU

အလားတူ စစ်ကောင်စီဝါဒဖြန့်ချယ်နယ်များတွင်လည်း ဒုတိယဗိုလ်ချုပ်ကြီး ခေါင်လွမ်းသည် KIA တပ်ခေါင်းဆောင်ပိုင်းများက လုပ်ကြံ၍ သေရခြင်းဖြစ်ကဲ့သို့ ဇာတ်ကြောင်းပုံစံ အသစ်ဖြင့်ထပ်မံဖြန့်ချိ ထားလျက်ရှိသည်။

သျှမ်းသံတော်ဆင့် အချက်အလက်စစ်ဆေးသူများအနေဖြင့် အဆိုပါအကြောင်းအရာကို စစ်ဆေးမှုပြုလုပ်ခဲ့သည်။

ကချင်ဒေသတွင်း သတင်းဌာနများနှင့် လွတ်လပ်သည့် သတင်းဌာနများတွင် ဒုတိယဗိုလ်ချုပ်ကြီး ခေါင်လွမ်းသည် အသည်းရောဂါဖြင့် သေဆုံးသွားခဲ့ကြောင်း KIA ပြန်ကြားရေးတာဝန်ခံ ဗိုလ်မှူးကြီးနော်ဘူက အတည်ပြု ပြောဆိုထားသည်။

မူရင်းလင့်ခ် – https://shorturl.at/wQS15

အသက် ၆၀ နှစ်အရွယ်ခန့် ဒုဗိုလ်ချုပ်ကြီးခေါင်လွမ်းသည် ၂၀၂၂ ခုနှစ်ကတည်းက ၎င်းမှာအသည်းရောဂါ ရှိနေကြောင်းသိသော်လည်း တော်လှန်ရေးကာလအလွန် အရေးကြီးနေသည့်အချိန်ဖြစ်သောကြောင့် ဆေးဝါးကုသရန်ထက် စစ်ကိုတိုက်ရန်ချွေးချယ်ခဲ့သည်ဟု ဒုဗိုလ်ချုပ်ကြီးခေါင်လွမ်းကိုယ်တိုင် ပြောခဲ့သည့်အသံဖိုင်တစ်ခုကို Kachin News Group ကဖော်ပြထားသည်။

မူရင်လင့်ခ် – https://shorturl.at/hDP26

ထို့ကြောင့် ဒုဗိုလ်ချုပ်ကြီးခေါင်လွမ်းသည် တိုက်ပွဲတွင် စစ်ကောင်စီပစ်ခတ်သည့် လက်နက်ကြီးထိမှန်၍ ကျဆုံးကြောင်း ဖြန့်ချိမှုသည် မှားယွင်းနေသည်။

ယင်းကဲ့သို့ လူသိများထင်းရှားသည့် ဒုဗိုလ်ချုပ်ကြီးခေါင်လွမ်း ကွယ်လွန်ခြင်းကို အခြေခံ၍ လုပ်ကြံအကြောင်း အရာအမျိုးမျိုးကိုဖန်တီးခြင်း၊ ဓာတ်ပုံဟောင်များကို အသုံးပြု၍ ပြည်သူများကို ပုံစံမျိုးစုံဖြင့် လှည့်ဖျားဖြန့်ချိနေ ခြင်းသည် သေသူ၏ ဂုဏ်သိက္ခာကိုလည်း ထိပါးသကဲ့သို့ တော်လှန်သူအချင်းချင်းအကြား သွေးကွဲစေရန် ရည်ရွယ်နေခြင်းဖြစ်သည်။

သျှမ်းသံတော်ဆင့် စာဖတ်ပရိတ်သတ်များအနေဖြင့် လူမှုကွန်ရက် စာမျက်နှာများတွင် ဖော်ပြနေသည့် သတင်းများကို ချက်ချင်းမယုံကြည်ဘဲစိတ်ချရသော သတင်းမီဒီများတွင် သွားရောက်ဖတ်ရှု့ကြရန် တိုက်တွန်းပါသည်။

သတင်းတု၊ သတင်းမှားဟု ယူဆရသည့် သတင်းများကိုလည်း သျှမ်းသံတော်ဆင့် လူမှုကွန်ရက်စာမျက်နှာ (SHAN Burmese Vision ) Facebook Chat Boxမှဆစ်ဆင့် သတင်း၏ လင့်ခ် (သို့မဟုတ်) Screen Short ပုံပေးပို့ခြင်းဖြင့် စစ်ဆေးနိုင်သည်။