သျှမ်းပြည် ပင်လောင်းမြို့နယ်ရှိ ကရင်နီဘက်မှရောက်ရှိလာသည့် စစ်ရှောင်များ စားနပ်ရိက္ခာပြတ်လပ်နေပြီး အခက်အခဲများ ကြုံတွေ့နေရကြောင်း စုံစမ်းသိရသည်။
သျှမ်းပြည် ပင်လောင်းမြို့နယ် ဗန်မောက်ကျေးရွာရှိ ကရင်နီဘက်မှ ရောက်ရှိလာသည့်စစ်ရှောင်များသည် ပြီးခဲ့သည့် ၂၀၂၃ ဒီဇင်ဘာမှစ၍ စားနပ်ရိက္ခာအခက်အခဲများ ကြုံတွေ့နေရပြီး၊လက်ရှိတွင် အနီးအနားရွာတွင် တိုက်ပွဲများကြောင့် စားနပ်ရိက္ခာ များ ဝယ်ယူရန် လမ်းကြောင်းများ သွားလာခက်ခဲနေကြောင်း စစ်ဘေးရှောင် ကူညီသူ အမျိုးသားတစ်ဦးက သျှမ်းသံတော်ဆင့်ကို ပြောသည်။
“တိုက်ပွဲတွေလည်း ဖြစ်နေတာ အလုပ်လည်းမရှိဘူး စားဖို့၊ သောက်ဖို့လည်း ပြတ်လပ်နေပြီ၊ရှိတာကို ချွေတာစားနေကြရတာ၊ရွာဘေးမှာတွေကလည်း တိုက်ပွဲတွေဖြစ်နေတာ သွားလာလည်း အရမ်းခက်နေတာ၊ အများစုက နေ့စားအလုပ်ပဲလုပ်နေကြတာ၊အလုပ်မရှိတော့ စားဖို့သောက်ဖို့က ပြတ်လပ်နေပြီ ”ဟု စစ်ရှောင် ကူညီသူ အမျိုးသားတစ်ဦက ပြောသည်။
ထို ဗန်းမောက်ရွာအနီးရှိ နောင်ဝိုးကျေးရွာတွင် စစ်ကောင်စီနှင့် KNDFတို့ တိုက်ပွဲများဖြစ်ပြီးနေပြီး ဒေသခံများလည်း စစ်ဘေးရှောင်နေရသည်။
“တိုက်ပွဲဖြစ်ပွားနေတဲ့နေရာတွေရှိတယ် ထွက်လာပြီး ရွာကို ပေးမပြန်သေးတာလည်းရှိတယ်၊ရွာတွေကို ပြန်ဖို့ကလည်း လက်နက်ကိုင်အဖွဲ့တွေ ပေးမပြန်တာက တောင်မဲတင်းတို့ နောင်ဝိုးတို့ဖက်ပါ။ တိုက်ပွဲဖြစ်ပွား တဲ့နေရာက နောင်ဝိုး၊ ပင်လောင်းနဲ့ အဲ့ရွာတွေက ၄၅ မိနစ်လောက်ဝေးတယ်” ဟု ၎င်းက ပြောသည်။
‘’၁၁.၁၁”စစ်ဆင်ရေ တိုက်ပွဲကြောင့် ကရင်နီပြည်မှ သျှမ်းပြည် ပင်လောင်းမြို့နယ်အတွင်ရှိ ကျေးရွာများတွင် လာရောက် စစ်ဘေးရှောင်နေကြပြီး စုစုပေါင်း စစ်ဘေးရှောင် ၁ သောင်း ၅ ထောင်ခန့်ရှိကြောင်း သိရသည်။
ပြီးခဲ့သည့် မေလ ၅ ရက်တွင်လည်း ဆောင်ပြောင်းဒေသခံကို ဦးတည်၍ စစ်ဘေးရှောင်လာသည် လုံးပြင်းဒေသခံ နှစ်ဦးသည် နေရပ်သို့ ပြန်၍ စားနပ်ရိက္ခာများပြန်ယူနေစဉ် မြေမြုပ်မိုင်းနင်းမိ၍ အပြင်းအထန် ဒဏ်ရာရရှိခဲ့ကြောင်း သိရသည်။
