သျှမ်းပြည် ဆီဆိုင်မြို့ပေါ်နှင့် ကျေးရွာဘက် ဒေသခံများသည် တိုက်ပွဲများကြောင့် ဟိုပုံး၊တောင်ကြီး၊ညောင်ရွှေမြို့နယ်တို့တွင်းစစ်ရှောင်ကြရပြီး ယခုတွင် စစ်ကောင်စီနှင့် ပြည်သူ့စစ် PNO က ဖိအားပေးပြီး အတင်းအဓမ္မ အိမ်ပြန်ခိုင်းနေကြောင်း စုံစမ်းသိရသည်။
စစ်ရှောင်များ မိမိနေအိမ် ပြန်မနေလျှင် အိမ်ချိတ်ပိတ်မည်၊ပိုင်ဆိုင်မှုနှင့် မြေယာများကို သိမ်းယူမည် ၊အိမ်မီးရှို့မည်ဆိုပြီး စစ်ကောင်စီနှင့် ပြည်သူ့စစ် PNO က ခြိမ်းခြောက်ပြီးပြန်ခိုင်းခဲ့ကြောင်းသိရသည်။
“အိမ်ပြန်ပြီး တစ်ချို့ဆိုမိုင်းနင်းမိတာရှိတယ်။အိမ်တွေမှာလည်း ပေါက်ကွဲတတ်တဲ့ စစ် ပစ္စည်းအရမ်းများတယ် အရမ်းကြောက်တယ်။တစ်ချို့ ရွာတွေဆို စစ်တပ်က လက်နက်ကြီးပစ်လာဆဲဘဲ”ဟု ဆီဆိုင်မြို့ ဒေသခံတစ်ဦးကပြောသည်။
ထိုအပြင် ဆီဆိုင်မြို့ တိုက်ပွဲ ဖြစ်ပွားပြီး၃လအတွင်းတွင် နေအိမ်ပြန်ကြည့်ရင်း၊ပစ္စည်း ပြန်သယ်ရင်း ဒေသခံလူငယ် ၆၀ကျော်လည်း ပျောက်ဆုံးနေပြီး တစ်ချို့လူငယ်များက အဖမ်းခံရပြီး ဗမာ စစ်တပ်ထဲ ၁၀သိန်းဖြင့် ရောင်းစားခံကြရကြောင်း သိရသည်။
“ကျမတို့ အိမ်နားက ကလေးတစ်ယောက်ဆို အိမ်ပြန်ကြည့်ပြီး အဖမ်းခံရတာ။ ဖမ်းခံရပြီး တစ်လကျော်ပျောက်သွားတယ်။ နောက်မ သူက သူမိသားစုဆီ ဖုန်းဆက်ပြန်တာ။ အဖွဲ့စည်းတစ်ခုက သူ့ကို ဖမ်းပြီး ဗမာတပ်ထဲရောင်းစားတာတဲ့ ။လူတွေအရမ်းကြောင်ဖို့ကောင်းတယ်။”ဟု ဆီဆိုင်မြို့ ဟိုခဲရပ်ကွက်နေအမျိုးသမီးတစ်ဦးကပြောသည်။
ဆီဆိုင်မြို့ ခမရ၄၂၃တပ်နှင့် ၄၂၄တပ်ထဲတွင် လူတစ်ဦး ပို့နိုင်လျှင် ပိုက်ဆံကျပ်ငွေ ၁၀သိန်း ရရှိကြောင်း သိရသည်။
ပင်လောင်း၊ဟိုပုံး၊ဆီဆိုင်၊ညောင်ရွေ၊လွိုင်လင် မြို့နယ်တို့တွင် တိုက်ပွဲဖြစ်ပွားသည့် ၃လအတွင်း ကရင်နီစစ်ရှောင်၅သောင်းအပါအဝင် ရှမ်းတောင် ဒေသခံတစ်သိန်းငါးသောင်း အိုးအိမ်စွန့်ခွာ စစ်ဘေးတိမ်းရှောင်နေရကြောင်းPa-O Hunam Rights Groupထုတ်ပြန်ချက်အရသိရသည်။
