ကချင်ပြည် မိုးမောက်မြို့တွင် စစ်ကောင်စီတပ်ဖွဲ့ ဝင်ရောက် နေရာယူသောကြောင့် စစ်ဘေးရှောင်နှင့် ဒေသခံ တစ်ထောင်ကျော်တို့သည် ဗန်းမော်မြို့သို့ ထပ်မံထွက်ပြေးတိမ်းရှောင်နေရကြောင်း စုံစမ်းသိရသည်။
မိုးမောက်မြို့ပေါ်တွင် စစ်ကောင်စီ နှင့် ကချင်လွတ်လပ်ရေးတပ်မတော်(KIA)တို့ တိုက်ပွဲများကြောင့် ဧပြီလ ၂၄ ရက်မှစ၍ ဒေသခံ စစ်ဘေးရှောင် ၁၂၀၀ ကျော်သည် ဗန်းမော်မြို့သို့ ထွက်ပြေးတိမ်းရှောင်လာကြကြောင်း စစ်ဘေးရှောင်ကူညီသူတစ်ဦးက သျှမ်းသံတော်ဆင့်ကို ပြောသည်။
“ကျနော်တို့က အကြို အပို့လုပ်ပေးနေတာဆိုတော့ လူဦးရေကတော့ ခန့်မှန်းခြေ လောက်ပဲသိရတာ။၂၄ ရက်ကနေ့ စပြီးပြေးလာကြတာ။ တိုက်ပွဲမဖြစ်တုန်းကတော့ သိပ်မပြေး ကြသေးဘူး။တိုက်ပွဲက ကြမ်းလာတော့ ပြေးတာပိုများ လာတယ်။ အကုန်းဒီတိုင်းပြေးလာတာဆိုတော့ ဆန်တွေဆီတွေတော့ လိုနေကြတာပေါ့။ နေရာတခုကို အနည်းဆုံး ၁၅၀ ၊ ၂၀၀ ကျော်လောက်ရှိတယ်။” ဟု ၎င်းကပြောသည်။
ဗန်းမော်မြို့ သို့ ရောက်ရှိလာသော စစ်ဘေးရှောင်များ ဂျာမေ့ဗလီ၊ဇေယျသုခကျောင်း၊သုခဝတီကျောင်း၊ မြို့နယ်ရှမ်းစာပေနှင့် ယဉ်ကျေးမှုဝန်း စသည့် ဘာသာရေးအဆောက်အဦးများနှင့် ဆွေမျိုး အိမ်များတွင် နေထိုင်နေကြပြီ စုစုပေါင်း စစ်ဘေးရှောင်လူဦးရေ ၁၂၆၀ ဦးထိရှိနေကြောင်း သိရသည်။
ပြီးခဲ့သည့် ဧပြီလ ၂၄ ရက်တွင် မိုးမောက်မြို့ရှိ မန္တလေးစားသင်တိုက်တွင် စစ်ကောင်စီမှ လေကြောင်း ဖြင့် ဗုံးကြဲတိုက်ခိုက်ခဲ့ကြောင်း သိရသည်။
တိုက်ပွဲများကြေင့် ဗန်းမော်မြို့တွင် ထွက်ပြေးတိမ်းရှောင်လာသည့် ကျေးရွာများသည် ကျောက်စခန်း ကျေးရွာ အပြင် ကြံခင်း ၊ခါနန် ၊အလင်းကောင် ရပ်ကွက် နှင့် မံပုံ စသည့်ကျေးရွာများသည် လက်ရှိတွင် ဗန်းမော်မြို့ သို့ ယာယီခိုလှုံနေကြကြောင်း သိရသည်။
Leave a Comments