သျှမ်းပြည် ဆီဆိုင်မြို့နယ် ဆီဆိုင် – စံကား ကြားရှိ တံတားတစ်စင်း ကို စစ်ကောင်စီက မိုင်းခွဲဖျက်ဆီးခဲ့ကြောင်း သိရသည်။
သျှမ်းပြည် ဆီဆိုင်မြို့နယ် ဆီဆိုင် – စံကား ကြားရှိ ဝိန်းကောင် ကျေးရွာအနီး သဘက်ချောင်းတံတားကို ဧပြီလ ၂၇ ရက် ညနေပိုင်းတွင် စစ်ကောင်စီက မိုင်းခွဲဖျက်ဆီးခဲ့ကြောင်း အသက် ၄၀ ဝန်းကျင် အမျိုးသားတစ်ဦးက သျှမ်းသံတော်ဆင့် ကို ပြောသည်။
“ကျနော်တို့ကတော့ ဝိုင်းကောင် တံတားလို့ပဲခေါ်ကျတာ။စစ်ကောင်စီက ဖျက်ဆီးတာပေါ့အဲ့တံတားကို။ ကျနော်တို့နဲ့ နီးတော့ အသံလည်း ကြားရတယ်။ အခုကတော့ သွားလို့မရဘူး။တံတားက လမ်းလျှောက် ယုံလောက်ပဲ ရမယ်။”ဟု ၎င်းက ပြောသည်။
ထိုပျက်စီးသွားသော တံတားသည် ဒေသခံများအတွက် စီးပွားရေးလမ်း နှင့် လယ်ယာစိုက်ပျိုးရေး အတွက် ရေးပါသော လမ်းကြောင်း ဖြစ်ပြီး၊ကားများ သွားလို့ မရကြောင်း အသက် ၄၀ ဝန်းကျင် အမျိုးသားတစ်ဦးက ဆက်ပြောသည်။
သျှမ်းပြည်တောင်ပိုင်း တိုက်ပွဲ ၃လ အတွင်း စစ်ကောင်စီမှ လက်နက်ကြီး၊ လေကြောင်း ပစ်ခတ်တိုက်ခိုက်မှုကြောင့် ကလေးငယ် အပါအဝင် သေဆုံးမှု ၇၀ ဝန်းကျင် ရှိနေပြီး၊ ထိခိုက် ဒဏ်ရာရရှိသူ ၈၀ ဝန်ကျင်အထိ ရှိနေကြောင်းသိရသည်။
