Friday, June 14, 2024

အထူးဒေသ (၁) ပုဂ္ဂလိက ဆေးရုံ၊ဆေးခန်း ဖွင့်လှစ်ခွင့်မပြု MNDAA ထုတ်ပြန်

Must read

သျှမ်ပြည် အထူးဒေသ( ၁) ပြန်လည် ထူထောင်ရေလုပ်ငန်းစဉ်တွင် ပုဂ္ဂလိက ဆေးရုံ နှင့် ဆေးခန်းအသစ် ဖွင့်လှစ်ရန် ခွင့်မပြုကြောင်း မြန်မာအမျိုးသား ဒီမိုကရက်တစ်မဟာမိတ်တပ်မတော် MNDAA က ယမန်နေ့ (ဧပြီ ၂၂)ရက်စွဲဖြင့် ထုတ်ပြန်ခဲ့သည်။

အထူးဒေသ (၁)တွင် ကျန်းမာရေးဆိုင်ရာလုပ်ငန်း၏ စီမံခန့်ခွဲမှုကို ပိုမိုစနစ်တကျဖြစ်စေရန် နှင့် ဆေးကုသမှုဖြင့် စီးပွား ရေးအကျိုးအမြတ်ရယူခြင်း၊ ဆေးရုံကို စီးပွားရေးလမ်းကြောင်းအဖြစ် လုပ်ဆောင်သောလုပ်ရပ်များကို လုံးဝတားမြစ်ကြောင်း အသိပေး ထုန်ပြန်ထားသည်။

အဆိုပါကိစ္စနှင့်ပတ်သက်ပြီး MNDAA မှ ပြောရေးဆိုခွင်ံရှိသူ ကို သျှမ်းသံတော်ဆင့်မှ သီးသန့် မေးမြန်းရာ ပြန်လည်ဖြေကြားခြင်းမရှိပေ။

ကိုးကန့် အထူးဒေသ (၁) အတွင်းတွင် လာမည့် ၂၀၂၄ ဇွန်လ ၁ ရက်မှစ၍ ပုဂ္ဂလိက ဆေးရုံ နှင့် ဆေးခန်း အသစ်များ မဖွင့်လှစ်ရန်တားမြစ်ထားပြီး၊ လက်ရှိ အထူဒေသ ၁ အတွင်း ဖွင့်လှစ်ထားသည့် ကျန်းမာရေးဌာနများသည် လက်လှမ်းမမှီနိုင်သော နေရာများတွင် ယခင်ကဖွင့်လှစ်ထားသည့် ဆေးရုံ ဆေးခန်း များ ဆက်လက်ဖွင့်လှစ်နိုင်ပြီး မူလထက် မတိုးရကြောင်း MNDAA မှ ထုတ်ပြန်ချက်တွင်းဖော်ပြ ရေးသား ထားသည်။

ယခင်မူလက ဖွင့်လှစ်ထားသော ဆေးရုံ ဆေးခန်းများ ဆက်လက်ဖွင့်လှစ်လိုလျှင် အထူဒေသရှိ ကျန်းမာရေးဌာနထံ လျှောက်လွှာတင်ပြီး ကျန်းမာရေးဌာမှ ဆေးပညာအရည်းအချင်းနှင့် စက်ကိရိယာများကို စုံးစမ်း စစ်ဆေးပြီး ခွင့်ပြုမည်ဟု ဖော်ပြထားသည်။

အထူးဒေသ နယ်မြေအတွင်းရှိသော ဆေးရုံ၊ ဆေးခန်း၊ ဆရာဝန်နှင့် သူနာပြုတို့သည် အထူးဒေသ ကျန်းမာရေး အုပ်ချုပ်မှူးနှင့် နေရာ‌ရွှေပြောင်းမှုကို လိုက်နာရမည်ဖြစ်ပြီး ကျန်းမာရေးဌာန၏ ကုသရေးပိုင်းဆိုင်ရာကြည့် ကြပ်ကိုင်တွယ်မှုကို လက်ခံရမည်ဟု ထုတ်ပြန်ချက်တွင် ရေးသားဖော်ပြထားသည်။

လက်ရှိ အထူးဒေသ ၁ တွင် အမှတ် ၁ ပြည်သူ့ဆေးရုံ (အိုက်မင်ဆေးရုံ)၊ လောက်ကိုင်မြို့နယ်ပြည်သူ့ဆေးရုံ၊ ချင်းရွှေ ဟော်မြို့နယ်ပြည်သူ့ဆေးရုံ၊ မူပန်(သိန္နီခရိုင်) ပြည်သူ့ဆေးရုံ၊ ကွမ်းလုံမြို့နယ်ပြည်သူ့ဆေးရုံ၊ မုံးကိုးခရိုင် ပြည်သူ့ဆေးရုံ၊ တာမိုးညဲတိုက်နယ်ဆေးရုံ စသည့် နိုင်ငံတော်အဆင့်ကုသနိုင်စွမ်းရှိသည့် ဆေးရုံများဖွင့်လှစ်ထား သည် ဟုသိရသည်။

Leave a Comments

- Advertisement -spot_img

Latest article