သျှမ်းပြည် မိုင်းတုံမြို့တွင် မိုးရွာ လေပြင်းတိုက်ခက်မှုကြောင့် စေတီထီးတော်များ နှင့် နေအိမ်များ ပျက်စီးမှုရှိခဲ့ကြောင်း စုံစမ်းသိရသည်။
သျှမ်းပြည် မိုင်းတုံမြို့တွင် ယမန်နေ့ ( ဧပြီလ ၁၀ )ရက် ည ၆ နာရီမှ ၇ နာရီခွဲ ဝန်းကျင်ထိ မိုးသည်းထန်ရွာပြီး လေပြင်းတိုက်ခတ်မှုများကြောင့် မိုင်းတုံမြို့ရှိမိုင်းစေတီ၊ ဝမ်မိုင် နှင့် စသည့် ဘုန်းကြီးကျောင်း စေတီထီးတော်များ ပြုတ်ကျ ပျက်စီးခဲ့ကာ ပြည်သူနေအိမ်အချို့လည်း ပျက်စီးခဲ့ကြောင်း ဒေသခံများက သျှမ်းသံတော်ဆင့်ကို ပြောသည်။
“မနေ့က လေတွေအရမ်းကြမ်းတယ်။ဘုန်းကြီးကျောင်း ၄ ခု လောက်က စေတီတွေလည်း ထီးတော်တွေ ပြုတ်ကျတယ်။ရပ်ကွက်ထဲက အိမ်တွေကလည်း ပျက်စီးမှုရှိပါတယ်။စာရင်းကောက်နေတုန်းပါ။”ဟု မိုင်းတုံမြို့ ဒေသခံများအမျိုးသမီးတစ်ဦးက ပြောသည်။
မိုင်းတုံမြို့တွင်းရှိ လမ်းပေါ်တွင်လည်း သစ်ပင် အချို့လှဲကျမှုများရှိနေပြီး သက်ဆိုင်ရာ အဖွဲ့များမှ ကူညီ ဖယ်ရှားမှုများ ပြုလုပ်ပေး နေကြောင်းသိရသည်။
Leave a Comments