ကချင်ပြည်နယ် ဝိုင်းမော်မြို့နယ်တွင် စစ်ဘေးရှောင်များ သောက်သုံးရေများ အခက်အခဲများကြုံတွေ့နေရကြောင်း သိရသည်။
ကချင်ပြည်နယ် ဝိုင်းမော်မြို့နယ်တွင် တိုက်ပွဲများကြောင့် မတ်လ ဒုတိယပတ်မှစ၍ မန်အောင်ဘုန်းကြီးကျောင်း သို့ ထွက်ပြေးတိမ်းရှောင်လာသူများသည် သောက်သုံးရေးများ နှင့် ရေအခက်အခဲများ ကြုံတွေ့နေရကြောင်း စစ်ဘေးရှာင်ကူညီသူတစ်ဦးက သျှမ်းသံတော်ဆင့်ကို ပြောသည်။
“ရေကတော့ ချွေတာပြီး သုံးနေရတာပေါ့။ရေတွင်းတစ်ခုပဲရှိတယ်လေ။ခုရက်ပိုင်းကလည်း အရမ်းပူတယ်လေ။ အိမ်သာကတော့ ၃ လုံးထပ် လုပ်ထားရတယ်။ ရေသည် ကားတွေကလည်းမရှိဘူးလေ။ ရေသန့်တွေလည်းဝယ်သုံးနေရတဲ့ အဆင့်ထိ လည်းရှိတယ်။ ရေဗူးကြီးကလည်း တဗူးတစ်ထောင်ဖြစ်နေတယ်။ရေရှည် အတွက်ကတော့ အဆင်မပြေနိုင်ဘူး။” ဟု ၎င်းကလည်း ပြောသည်။
လက်ရှိအချိန်တွင် မန်အောင်ဘုန်းကြီးကျောင်းတွင် အိမ်ထောင်စု ၆၉ စုရှိနေပြီး လူဦးရေ ၂၀၀ ကျော်ရှိနေ ကြောင်း သိရသည်။
မိုးမောက်မြို့နယ်နှင့် အနီးအနားရှိ ကျေးရွားများဖြစ်သည့် ကုန်းလော၊လွယ်ဂျယ်၊ စိန်လုံ၊ပန်ကောင်းမှုး စသည့် ကျေးရွာ ၁၀ ခန့်ရှိ ဒေသခံများသည် နီးစပ်ရာ ကျေးရွာ၊ တောထဲသို့ ထွက်ပြေးတိမ်းရှောင်နေကြရပြီး စစ်ဘေးရှောင် ၁ ထောင်ကျော်ထက်မနည်း ရှိနေကြောင်း ၎င်းကဆက်ပြောသည်။
ပြီးခဲ့သည့် ဧပြီလ ၅ ရက်နေ့မှ ၇ ရက်နေ့အထိ ၃ ရက်အတွင်း ဝိုင်းမော်မြို့နယ် ဝူယာန် ဝူးယန်ပြည်သူ့ စစ် တပ်ချထားသော ကျေးရွာအပါအဝင် လမြန်၊မုတ်ကျိတ်စတဲ့ ကျေးရွာများရှိ ပြည်သူနေအိမ် ၁၄ လုံးထက်မနည်း သည် လီးဆူပြည်သူ့စစ် နှင့် KIA တပ်တို့စစ်ရေးတင်းမာပြီး အပြန်အလှန်နေအိမ်များကို မီးရှို့မှုကြောင့် မီးလောင်ပျက်စီးခဲ့ရကြောင်း သိရသည်။
